കൊളറാഡോ കാട്ടുതീയിൽ 1000 ത്തോളം കെട്ടിടങ്ങൾ നശിച്ചു, 3 പേരെ കാണാതായി

https://chat.whatsapp.com/JAhWwGm5OuJC1YQunRhk80

കൊളറാഡോയിലുണ്ടായ കാട്ടുതീയിൽ 1000 ത്തോളം കെട്ടിടങ്ങൾ നശിക്കുകയും, 3 പേരെ കാണാതാവുകയും ചെയ്തതായി അധികൃതർ അറിയിച്ചു. ഡെൻ‌വറിനും ബോൾഡറിനും ഇടയിലുള്ള ഭൂപ്രദേശം തീപിടുത്തത്തിൽ പൂർണമായും നശിച്ചു.

വ്യാഴാഴ്‌ചയാണ് തീപിടുത്തം തുടങ്ങിയതെന്നും, എന്നാൽ തീപിടുത്തത്തിന്റെ കാരണം കണ്ടെത്താൻ അന്വേഷകർ ഇപ്പോഴും ശ്രമിച്ചുകൊണ്ടിരിക്കുകയാണെന്നും ബോൾഡർ കൗണ്ടി ഷെരീഫ് ജോ പെല്ലെ ശനിയാഴ്ച പറഞ്ഞു.

കുറഞ്ഞത് 971 വീടുകളും മറ്റ് കെട്ടിടങ്ങളും നശിച്ചു, ലൂയിസ്‌വില്ലിൽ 553, സുപ്പീരിയറിൽ 332, കൗണ്ടിയിലെ ഇൻകോർപ്പറേറ്റ് ചെയ്യാത്ത ഭാഗങ്ങളിൽ 106. എന്നാൽ കണക്ക് അന്തിമമല്ലെന്ന് പെല്ലെ മുന്നറിയിപ്പ് നൽകി. ലൂയിസ്‌വില്ലെയിൽ ഇതുവരെ ഏഴ് പേർക്ക് പരിക്കേറ്റിട്ടുണ്ട്. കാണാതായവരെ തിരയാൻ ഉദ്യോഗസ്ഥർ ശ്രമിച്ചുകൊണ്ടിരിക്കുകയാണെന്ന് ജോ പെല്ലെ അറിയിച്ചു.