അഫ്ഗാൻ അഭയാർത്ഥികളെ കൈവിടാതെ കാനഡ

145 കനേഡിയൻ അഭയാർത്ഥികളെ അഫ്ഗാനിസ്ഥാനിൽ നിന്ന് പാകിസ്ഥാനിലേക്ക് പലായനം ചെയ്യാൻ കാനഡ സഹായിച്ചു. 145 പേർക്കും കനേഡിയൻ വിസകളുണ്ടെന്നും അവർ ഇപ്പോൾ പാകിസ്ഥാനിൽ പ്രോസസ്സ് ചെയ്യപ്പെടുന്നുണ്ടെന്നും ആഴ്ചകൾക്കുള്ളിൽ കാനഡയിലേക്ക് വരാൻ സാധിക്കുമെന്നും ഇമിഗ്രേഷൻ മന്ത്രി മാർക്കോ മെൻഡിസിനോയുടെ വക്താവ് വാർത്ത സമ്മേളനത്തിൽ പറഞ്ഞു.

2001 മുതൽ 2014 വരെ അഫ്ഗാനിസ്ഥാനിലേക്കുള്ള സൈനിക ദൗത്യത്തിൽ കാനഡയെ സഹായിച്ച അഫ്ഗാനികളാണ് കൂടുതലും, താലിബാൻ രാജ്യത്തിന്റെ നിയന്ത്രണം തിരിച്ചുപിടിച്ചതിനാൽ പ്രതികാരത്തെ ഭയപ്പെടുന്നവരാണ് ഇവരിൽ കൂടുതലും. മലാല ഫൗണ്ടേഷനുമായി ബന്ധപ്പെട്ട വ്യക്തികൾ, മാരെഫാറ്റ് ഗേൾസ് സ്കൂളിലെ വിദ്യാർത്ഥികൾ, ദൗത്യം കവർ ചെയ്യുന്ന കനേഡിയൻ മാധ്യമപ്രവർത്തകരെ സഹായിച്ച “ഫിക്സർമാർ” എന്നിവർ ഇതിലുണ്ട്.

അഫ്ഗാൻ അഭയാർഥികൾക്ക് സുരക്ഷിതസ്ഥാനത്തേക്ക് പലായനം ചെയ്യുന്നതിനായി പുതിയ റൂട്ടുകൾ കണ്ടെത്തുന്നതിന് കഴിഞ്ഞ മാസം സർക്കാർ സഖ്യകക്ഷികളുമായും അയൽരാജ്യങ്ങളുമായും പ്രവർത്തിക്കാൻ തുടങ്ങിയതായി ഇമിഗ്രേഷൻ മന്ത്രി മാർക്കോ മെൻഡിസിനോ പറഞ്ഞു. വ്യക്തികൾക്കൊപ്പം ആവശ്യമായ രേഖകൾ ഉണ്ടെന്ന് ഉറപ്പുവരുത്താൻ ഉദ്യോഗസ്ഥർ നല്ല രീതിയിൽ പ്രവർത്തിക്കുന്നുണ്ടെന്നും അദ്ദേഹം പറഞ്ഞു.