കാനഡയിൽ മോഷണ വസ്തുക്കളുമായി പഞ്ചാബ് സ്വദേശികളായ രണ്ട് പേർ പോലീസ് കസ്റ്റഡിയിൽ

https://chat.whatsapp.com/FDyHrouQqfAC7xTtsrkFWp

ഒപിപി ഉദ്യോഗസ്ഥർക്ക് സംശയം തോന്നിയതിനെ തുടർന്ന് കാലിഡണിൽ നടത്തിയ വാഹന പരിശോധനയിൽ പഞ്ചാബ് സ്വദേശികളായ രണ്ട് പേർക്കെതിരെ മോഷണ കുറ്റം ചുമത്തി. വ്യാഴാഴ്ച ബോൾട്ടണിൽ പട്രോളിംഗ് നടത്തുകയായിരുന്ന ഉദ്യോഗസ്ഥർ മോഷ്ടിക്കപ്പെട്ടതായി റിപ്പോർട്ട് ചെയ്യപ്പെട്ട ഒരു വാഹനം കണ്ടെത്തുകയായിരുന്നു.

വാഹനത്തിൽ രണ്ട് പേർ ഉണ്ടായിരുന്നു, ഒരാൾ ഓടി രക്ഷപ്പെടാൻ ശ്രമിച്ചെങ്കിലും പോലീസ് പിടികൂടുകയായിരുന്നു. മോഷ്ടിച്ച തിരിച്ചറിയൽ രേഖകൾ, ക്രെഡിറ്റ് കാർഡുകൾ, ബ്രേക്ക്-ഇൻ ഇൻസ്ട്രുമെന്റുകൾ എന്നിവയുൾപ്പെടെ വാഹനത്തിൽ നിന്ന് മോഷണ വസ്തുക്കളും, പണവും കണ്ടെടുത്തതായി പോലീസ് പറയുന്നു.

ബ്രാംപ്ടണിൽ നിന്നുള്ള മൻപ്രീത് സിംഗ് ധില്ലൺ (39), മിസിസാഗയിൽ നിന്നുള്ള 39 കാരനായ രൺബിത് സിംഗ് ടൂർ എന്നിവർക്കെതിരെ കുറ്റങ്ങൾ ചുമത്തി. കൂടാതെ നിയമപരമായ കസ്റ്റഡിയിൽ നിന്ന് രക്ഷപ്പെടൽ, പോലീസിൽ നിന്ന് ഒളിച്ചോടൽ, മെത്താംഫെറ്റാമൈൻ കൈവശം വയ്ക്കൽ എന്നീ കുറ്റങ്ങളും ധില്ലനെതിരെ ചുമത്തിയിട്ടുണ്ട്.