കാനഡ : ആൽബെർട്ട പ്രൊവിൻസിലെ എഡ്മണ്ടൻ സിറ്റിക്കടുത്തുള്ള നോർത്തേൺ ആൽബെർട്ട സിറ്റി തടാകത്തിൽ സുഹൃത്തുക്കൾക്കൊപ്പം ബോട്ടിങ്ങിനിറങ്ങിയ കാസർഗോഡ് സ്വദേശി ഉവൈസ് മുഹമ്മദ് കാസിം (31) മുങ്ങിമരിച്ചു. ശനിയാഴ്ച ഉച്ചക്ക് നടന്ന അപകടത്തിൽ കൂടെ തടാകത്തിൽ വീണ കുട്ടികളെ രക്ഷപ്പെടുത്താൻ ഉവൈസും ദൃക്സാക്ഷികൾക്കും കഴിഞ്ഞെങ്കിലും അപകടത്തിനിടയിൽ ഉവൈസ് മുങ്ങി പ്പോവുകയായിരുന്നു.
റോയൽ കനേഡിയൻ മൗണ്ടഡ് പോലീസിന്റെ നേതൃത്വത്തിൽ ഇന്നലെ മുതൽ നടന്ന തിരച്ചിൽ രാത്രിയോടെ നിർത്തിവെച്ചിരുന്നു. ഞാറാഴ്ച പുനഃരാരംഭിച്ച തിരച്ചിലിൽ ആണ് ഉവൈസിന്റെ മൃതദേഹം കണ്ടെത്തിയത്. ആൽബെർട്ട ഫിഷ് ആൻഡ് വൈൽഡ് ലൈഫ്, റോയൽ കനേഡിയൻ മൗണ്ട് പോലീസിന്റെ എയർ സർവീസുകളും, സേർച്ച് ആൻഡ് റെസ്ക്യൂ ഡൈവേഴ്സും സംയുക്തമായി ആണ് തിരച്ചിൽ നടത്തിയത്.
എഡ്മന്റൻ മലയാളി കമ്മ്യുണിറ്റി പ്രവർത്തനങ്ങളിലും കെഎംസിസി പ്രവർത്തനങ്ങളിലും സജീവ സാന്നിധ്യമായിരുന്നു ഉവൈസ്. സമൂഹത്തിൽ ചുറുചുറുക്കോടെ എല്ലാ കാര്യങ്ങൾക്കും മുൻപന്തിയിൽ ഉണ്ടായിരുന്ന ഉവൈസിന്റെ വിയോഗം കുടുംബങ്ങൾക്കും സൂഹൃത്തുക്കൾക്കും ഇത് വരെ വിശ്വസിക്കാൻ കഴിഞ്ഞിട്ടില്ല. മൃതദേഹം തുടർനടപടികൾക്കായി ആശുപത്രിയിലേക്ക് മാറ്റി.
About The Author
More Stories
പൗരത്വവേദിയിൽ ഗർബ നൃത്തം: സോഷ്യൽ മീഡിയയിൽ ചൂടേറിയചര്ച്ച
തൊഴിലാളികൾക്ക്ആശ്വാസം! കാനഡവർകേഴ്സ്ബെനിഫിറ്റ്ഉയരുന്നു
തിരക്കേറിയ വിമാനത്താവളങ്ങളും എയർ ട്രാഫിക് കൺട്രോളർമാരുടെ കുറവുമാണ് പ്രധാന കാരണം.