ഒന്റാറിയോ ആക്രമണം:പ്രതിക്കെതിരെ ഭീകരവാദ കുറ്റം ചുമത്തി

ഒന്റാറിയോ : ലണ്ടൻ, ഒന്റാറിയോ ഒരു കുടുംബത്തിലെ നാല് അംഗങ്ങളെ ട്രക്ക് ഇടിപ്പിച്ച് കൊലപ്പെടുത്തിയ കേസിൽ നഥാനിയേൽ വെൽറ്റമാനിനെതിരെ തീവ്രവാദ കുറ്റം ചുമത്തിയിട്ടുണ്ട്. ജൂൺ 6 ന് സൽമാൻ അഫ്സൽ (46), ഭാര്യ മദിഹ സൽമാൻ (44), മകൾ യുമ്‌ന അഫ്സൽ (15), സൽമാന്റെ അമ്മ തലാത്ത് അഫ്സൽ (74) എന്നിവരാണ് ട്രക്ക് ഇടിച്ഛ് മരിച്ചത് . കുടുംബത്തിലെ ഏറ്റവും പ്രായം കുറഞ്ഞ അംഗമായ ഒൻപത് വയസുകാരനായ ഫായിസ് ഇപ്പോഴും ആശുപത്രിയിൽ ചികിത്സയിലാണ്.

തിങ്കളാഴ്ച രാവിലെ ലണ്ടനിലെ കോടതിയിൽ പ്രതിയെ ഹാജരാക്കിയിരുന്നു . ക്രിമിനൽ കോഡിലെ സെക്ഷൻ 83 പ്രകാരം തീവ്രവാദ കുറ്റങ്ങൾ ചുമത്താൻ സമ്മതം ലഭിച്ചതായി പ്രോസിക്യൂട്ടർമാർ വെൽറ്റ്മാനെ അറിയിച്ചു. കഴിഞ്ഞ വ്യാഴാഴ്ച വെൽറ്റമാനിനെ കോടതിയിൽ ഹാജരായിരുന്നുവെങ്കിലും നിയമസഹായത്തിന് അപേക്ഷിക്കാനും അഭിഭാഷകനെ നേടാനും വേണ്ടിയാണ് കേസ് പരിഗണിച്ചത്.