പടിഞ്ഞാറൻ കാനഡയിൽ അതിശൈത്യം; എൻവിയോണ്മെന്റ് കാനഡയുടെ മുന്നറിയിപ്പ്

https://chat.whatsapp.com/JAhWwGm5OuJC1YQunRhk80

ആർട്ടിക് കാറ്റിന്റെ വരവോടെ പടിഞ്ഞാറൻ കാനഡയിൽ അതിശൈത്യം ഉണ്ടാകുമെന്നും ഇത് -56 ഡിഗ്രി സെൽഷ്യസ് വരെ ആകുമെന്നും മുന്നറിയിപ്പ്. ആൽബർട്ടയിലുടനീളവും ബി.സി.യുടെ ചില ഭാഗങ്ങളിലും സസ്‌കാച്ചെവാനിലും അതിശൈത്യമുണ്ടാകുമെന്ന് എൻവിയോണ്മെന്റ് ആന്റ് കാനഡ ക്ലൈമറ്റ് ചേഞ്ച് കാനഡ മുന്നറിയിപ്പ് നല്കിയിരുന്നു.

കാലാവസ്ഥാ വ്യതിയാനം കാനഡയെ പ്രതികൂലമായി ബാധിച്ചിരിക്കുകയാണ്. എഡ്മണ്ടനിൽ, താപനില -41.6 സെല്ഷ്യസായി കുറയുമെന്നും, കാൽഗിരിയിൽ-31 സെൽഷ്യസ് വരെ താപനില അനുഭവപ്പെടുമെന്നാണ് എൻവിയോണ്മെന്റ് കാനഡ മുന്നറിയിപ്പ് നൽകിയിരിക്കുന്നത്. ആൽബർട്ടയിലെയും ബീസിയിലെയും 43 കമ്മ്യൂണിറ്റികളിൽ കഴിഞ്ഞ ആഴ്ച്ച വളരെ താഴ്ന്ന താപനിലയാണ് രേഖപ്പെടുത്തിയത്. റെജീനയിൽ -37 C ഉം സസ്‌കാറ്റൂണിൽ -38 C ഉം വരെ താപനില കുറയുമെന്നും, വിന്നിപെഗിലും താപനില -34 ഡിഗ്രി സെൽഷ്യസ് ആയി കുറയുമെന്നും റിപ്പോർട്ടുകളുണ്ട്.