പ്രതിഷേധം ശക്തം ട്രൂഡോ പ്രചാരണ റാലി റദ്ദാക്കി

ബോൾട്ടണിൽ വെള്ളിയാഴ്ച വൈകുന്നേരം ട്രൂഡോ അനുയായികളെ അഭിസംബോധന ചെയ്യുമെന്ന് പ്രതീക്ഷിച്ചിരുന്നെങ്കിലും സുരക്ഷാ കാരണങ്ങളാൽ പരിപാടി റദ്ദാക്കി.

ലിബറൽ അനുകൂലികളെ മറികടന്ന് ഡസൻ കണക്കിന് ക്ഷുഭിതരായ പ്രതിഷേധക്കാർ ബോൾട്ടണിൽ റാലിക്കടുത്ത് ഒത്തുകൂടി, ട്രൂഡോ തന്റെ പ്രസംഗം നടത്തുന്നതിനുമുമ്പ് അശ്ലീലം പറയുകയും പ്രധിഷേധം നടത്തുകയും ചെയ്തു, തുടർന്ന് പരിപാടി റദ്ദാക്കിയതായി പ്രഖ്യാപിച്ചു.

“നമുക്കെല്ലാവർക്കും ബുദ്ധിമുട്ടുള്ള വർഷമായിരുന്നു. ആ ജനങ്ങൾ പ്രതിഷേധിച്ചു, അവർക്കും ബുദ്ധിമുട്ടുള്ള വർഷമായിരുന്നു,” പരിപാടിയിൽ ജനങ്ങളുടെ സുരക്ഷ ഉറപ്പാക്കാൻ സാധിക്കാത്തതിനാലാണ് പരിപാടി റദ്ദാക്കിയതെന്ന് ട്രൂഡോ പറഞ്ഞു. തന്റെ പിതാവും മുൻ പ്രധാനമന്ത്രിയുമായ പിയറി ട്രൂഡോയ്‌ക്കൊപ്പം പ്രചാരണം നടത്തുമ്പോൾ കുട്ടിക്കാലത്തെ സമയം ഉൾപ്പെടെ, ഈ തലത്തിലുള്ള ദേഷ്യമോ തീവ്രതയോ താൻ ഒരിക്കലും കണ്ടിട്ടില്ലെന്നും അദ്ദേഹം കൂട്ടിച്ചേർത്തു.