നിഗൂഢതകൾ ഒളിപ്പിക്കുന്ന 'ഭ്രമയുഗം' പ്രീമിയർ ഷോ ഇന്ന് രാത്രി 10.30 ന് - Malayale.ca

https://chat.whatsapp.com/Ce7fzWxvzxu0N79CcsLpj4

മലയാളത്തിൻറെ മഹാനടൻ മമ്മൂട്ടിയെ നായകനാക്കി ഭൂതകാലം ഫെയിം രാഹുൽ സദാശിവൻ തിരക്കഥയെഴുതി സംവിധാനം ചെയ്യുന്ന ‘ഭ്രമയുഗം’ കാനഡയിൽ റിലീസിന്. പ്രേക്ഷകരും ആരാധകരും ഏറെ പ്രതീക്ഷയോടെ കാത്തിരിക്കുന്ന ചിത്രം ടൂ കേരള എന്റർടൈൻമെന്റ് ബാനറിൽ ബിജു തയ്യിൽച്ചിറയാണ് കാനഡയിൽ പ്രദർശനത്തിനെത്തിക്കുന്നത്. കാനഡയിൽ വൈഡ് റിലീസായാണ് ‘ഭ്രമയുഗം’ പ്രദർശനത്തിനെത്തുന്നത്.

കാനഡയിൽ പ്രീമിയർ ഷോ 14 ന് രാത്രി 10.30 ന് സെൻട്രൽ പാർക്ക് വേ സിനിമാസ് മിസ്സിസാഗാ, ആൽബിയോൺ സിനിമാസ് എടോബികോക്, യോർക്ക് സിനിമാസ് റിച്ചമൗണ്ട് ഹിൽ, വുഡ്‌സൈഡ് സിനിമാസ് സ്‌കാർബ്രോ എന്നിവിടങ്ങളിലാണ് ചിത്രം പ്രദർശിപ്പിക്കുന്നത്.

ചങ്ങലയിൽ ബന്ധനസ്ഥനായ യുവാവ്, ഇരുട്ടറയാണോ തടവറയാണോ എന്ന് തിരിച്ചറിയാൻ സാധിക്കാത്ത അന്തരീക്ഷം. അശരീരിയായി കേട്ടുതുടങ്ങുന്ന ശബ്ദം. ഒച്ച, അലർച്ച, ഭീതി എന്നിവയുടെ നിഴലാട്ടം ഇതൊക്കെയാണ് ഭ്രമയുഗം ട്രെയിലറിൽ പ്രേക്ഷകർ കണ്ടത്. അവസാനനിമിഷങ്ങളിൽ ആരാധകരെ അടക്കം അമ്പരപ്പിച്ച മമ്മൂട്ടിയുടെ ആ ചിരി ട്രെയിലർ റിലീസിന് ശേഷം വൈറലായിരുന്നു. ഏറെ കാലത്തിന് ശേഷം മലയാളത്തിൽ റിലീല് ചെയ്യാൻ പോകുന്ന ബ്ലാക്ക് ആൻഡ് വൈറ്റ് സിനിമ കൂടിയാണ് ഭ്രമയുഗം.

മമ്മൂട്ടിയോടൊപ്പം അർജുൻ അശോകൻ, സിദ്ധാർത്ഥ് ഭരതൻ, അമൽഡ ലിസ് എന്നിവരും സുപ്രധാന വേഷങ്ങളിലെത്തുന്നു. ‘ഭൂതകാലം’ എന്ന ഹൊറർ ചിത്രത്തിലൂടെ ശ്രദ്ധേയനായ രാഹുൽ സദാശിവൻ സംവിധാനം ചെയ്യുന്ന ചിത്രം വൈ നോട്ട് സ്റ്റുഡിയോസും നൈറ്റ് ഷിഫ്റ്റ് സ്റ്റുഡിയോസും ചേർന്നാണ് നിർമിക്കുന്നത്. ഹൊറർ ത്രില്ലർ സിനിമകൾക്കു മാത്രമായി ആരംഭിച്ചിരിക്കുന്ന പ്രൊ‍ഡക്‌ഷൻ ഹൗസ് ആണ് നൈറ്റ് ഷിഫ്റ്റ് സ്റ്റുഡിയോസ്.

ഛായാഗ്രഹണം: ഷെഹ്‌നാദ് ജലാൽ, ചിത്രസംയോജനം: ഷഫീഖ് മുഹമ്മദ് അലി, സംഗീതം: ക്രിസ്റ്റോ സേവ്യർ, സംഭാഷണങ്ങൾ: ടി.ഡി. രാമകൃഷ്ണൻ, പ്രൊഡക്‌ഷൻ ഡിസൈനർ: ജോതിഷ് ശങ്കർ, കലാസംവിധാനം: ജ്യോതിഷ് ശങ്കർ, സൗണ്ട് ഡിസൈൻ: ജയദേവൻ ചക്കടത്ത്, സൗണ്ട് മിക്സ്: എം.ആർ. രാജകൃഷ്ണൻ, മേക്കപ്പ്: റോണക്സ് സേവ്യർ, വസ്ത്രാലങ്കാരം: മെൽവി ജെ., പിആർഒ: ശബരി.