‘മലൈക്കോട്ടൈ വാലിബൻ’ ആദ്യ ദിനം ആസ്വദിക്കാം 12 ഡോളറിൽ

https://chat.whatsapp.com/Ce7fzWxvzxu0N79CcsLpj4

ലിജോ ജോസ് പെല്ലിശ്ശേരിയുടെ സംവിധാനത്തിൽ മോഹൻലാൽ ആദ്യമായി നായകനാവുന്ന ചിത്രം ‘മലൈക്കോട്ടൈ വാലിബൻ’ കാനഡയിൽ റിലീസിന്. പ്രേക്ഷകരും ആരാധകരും ഏറെ പ്രതീക്ഷയോടെ കാത്തിരിക്കുന്ന ചിത്രം ടൂ കേരള എന്റർടൈൻമെന്റ് ബാനറിൽ ബിജു തയ്യിൽച്ചിറയാണ് കാനഡയിൽ പ്രദർശനത്തിനെത്തിക്കുന്നത്.

ലിജോയും മോഹൻലാലും ആദ്യമായി ഒന്നിക്കുന്ന ചിത്രമെന്ന നിലയിൽ വാലിബനിലുള്ള പ്രേക്ഷക പ്രതീക്ഷ വലുതാണ്. ലിജോ ജോസ് പെല്ലിശ്ശേരിയുടെ അത്യു​ഗ്രൻ മേക്കിം​ഗും മികവുറ്റ ഛായാ​ഗ്രഹണവും കിടിലം കൊള്ളിക്കുന്ന ബിജിഎമ്മും ത്രസിപ്പിക്കുന്ന ആക്ഷൻ രം​ഗങ്ങളും കോർത്തിണക്കി കൊണ്ടുള്ള അതി​ഗംഭീര ട്രെയിലർ തന്നെ ആരാധകർക്കിടയിൽ മികച്ച പ്രതീക്ഷ നൽകിയിരിക്കുന്നത്. ഒരു യോദ്ധാവിന്റെ വേഷത്തിലാണ് ചിത്രത്തിൽ മോഹൻലാൽ എത്തുന്നത്. നാടോടിക്കഥയിൽ പ്രേക്ഷകർ പ്രതീക്ഷിക്കാത്ത ക്ലൈമാക്‌സാകാം സിനിമ നൽകുന്നത്. മലയാള സിനിമ ഇന്ന് വരെ കണ്ടിട്ടില്ലാത്ത തരത്തിലെ അപൂർവ്വമായ സിനിമയാണെന്നും ചിത്രത്തിന്റെ അണിയറ പ്രവർത്തകർ പറയുന്നു.

സൊണാലി കുൽക്കർണി, ഹരീഷ് പേരടി, ഡാനിഷ് സെയ്ത്, മനോജ് മോസസ്, കഥ നന്ദി, മണികണ്ഠൻ ആചാരി തുടങ്ങി നിരവധി താരങ്ങളാണ് ചിത്രത്തിൽ പ്രധാന വേഷങ്ങളിലെത്തുന്നത്. ഷിബു ബേബി ജോൺ, അച്ചു ബേബി ജോൺ എന്നിവരുടെ നേതൃത്വത്തിലുള്ള ജോൺ ആൻഡ് മേരി ക്രിയേറ്റിവിസ്, കൊച്ചുമോന്റെ ഉടമസ്ഥതയിലുള്ള സെഞ്ച്വറി ഫിലിംസ്, അനൂപിന്റെ മാക്സ് ലാബ്, വിക്രം മെഹ്‌റ, സിദ്ധാർഥ് ആനന്ദ് കുമാർ എന്നിവരുടെ ഉടമസ്ഥയിലുള്ള സരിഗമ ഇന്ത്യാ ലിമിറ്റഡ് എന്നിവരാണ് ചിത്രത്തിന്റെ നിർമ്മാതാക്കൾ. ചിത്രത്തിന്റെ തിരക്കഥ ഒരുക്കിയിരിക്കുന്നത് പി എസ് റഫീക്കാണ്. ഛായാഗ്രാഹണം മധു നീലകണ്ഠൻ, സംഗീതം പ്രശാന്ത് പിള്ളയും നിർവഹിക്കുന്നു.

About The Author