ബ്രാംപ്ടണിൽ പതിമൂന്നുകാരിയായ പെൺകുട്ടിയെ പോലീസ് ഓഫീസറായി ആൾമാറാട്ടം നടത്തി ലൈംഗികമായി പീഡിപ്പിച്ചു; പ്രതി അറസ്റ്റിൽ

https://chat.whatsapp.com/Ce7fzWxvzxu0N79CcsLpj4

ബ്രാംപ്ടണിൽ പോലീസ് ഉദ്യോഗസ്ഥനായി ആൾമാറാട്ടം നടത്തുകയും കൗമാരക്കാരിയായ പെൺകുട്ടിയെ ലൈംഗികമായി പീഡിപ്പിക്കുകയും ചെയ്തതിന് 33 കാരനായ ഒരാൾക്കെതിരെ കേസെടുത്തു. വ്യാഴാഴ്ച ഉച്ചയ്ക്ക് ബൊവൈർഡ് ഡ്രൈവ്, മൗണ്ടനാഷ് റോഡ് പ്രദേശത്താണ് സംഭവം നടന്നത്.

13 വയസ്സുള്ള പെൺകുട്ടി പ്ലാസയിലൂടെ നടക്കുമ്പോൾ അജ്ഞാതൻ അവളെ സമീപിച്ചതായി പീൽ റീജിയണൽ പോലീസ് പറഞ്ഞു. പോലീസ് ഉദ്യോഗസ്ഥനാണെന്ന് സ്വയം പരിചയപ്പെടുത്തി പെൺകുട്ടിയെ ലൈംഗികമായി പീഡിപ്പിക്കുകയായിരുന്നു. അനുഷൻ ജയകുമാർ എന്ന പ്രതിയെ ശനിയാഴ്ച അറസ്റ്റ് ചെയ്തതായി പോലീസ് അറിയിച്ചു. സമാധാന സേനാംഗമായി ആൾമാറാട്ടം, നിർബന്ധിത തടവ്, ലൈംഗികാതിക്രമം, ലൈംഗിക ഇടപെടൽ എന്നീ കുറ്റങ്ങളാണ് ഇയാൾ നേരിടുന്നത്.

കൂടുതൽ ഇരകളുണ്ടാകുമെന്ന് അന്വേഷണ ഉദ്യോഗസ്ഥർ കരുതുന്നതിനാൽ പ്രതിയുടെ ഫോട്ടോ പോലീസ് പുറത്തുവിട്ടു. കൂടുതൽ വിവരമറിയുന്നവർ 905-453-2121 എന്ന നമ്പറിൽ അന്വേഷകരെ ബന്ധപ്പെടാൻ ആവശ്യപ്പെടുന്നു.