ചാക്കോച്ചനും ജയസൂര്യയും ഒന്നിക്കുന്ന ‘എന്താടാ സജി’ മാർച്ച് 07-ന് കാനഡയിൽ റിലീസ് ചെയ്യും

https://chat.whatsapp.com/FDyHrouQqfAC7xTtsrkFWp

ജയസൂര്യയും കുഞ്ചാക്കോ ബോബനും വീണ്ടും ഒന്നിക്കുന്ന ‘എന്താടാ സജി’ മാർച്ച് 07-ന് കാനഡയിൽ റിലീസ് ചെയ്യും. ടൂ കേരള എന്റർടൈൻമെന്റ് ബാനറിൽ ബിജു തയ്യിൽച്ചിറയാണ് കാനഡയിൽ ചിത്രം പ്രദർശനത്തിനെത്തിക്കുന്നത്.

ആറ് വർഷത്തെ ഇടവേളയ്ക്ക് ശേഷം കുഞ്ചാക്കോ ബോബനും, ജയസൂര്യയും ഒരുമിക്കുന്നു എന്ന പ്രത്യേകതയും ഈ ചിത്രത്തിനുണ്ട്. ഇരുവരും ഒന്നിച്ച നിരവധി മികച്ച ചിത്രങ്ങൾ മലയാള സിനിമയിലുണ്ട്. ഒരു ഫാമിലി കോമഡി എന്റർടെയ്നർ വിഭാഗത്തിൽ പെടുന്ന ചിത്രത്തിൽ പുണ്യാളന്റെ വേഷത്തിലാണ് ചാക്കോച്ചൻ എത്തുന്നത്. ജയസൂര്യ ആണ് ടൈറ്റിൽ കഥാപാത്രമായ സജിയായി എത്തുന്നത്, ഒപ്പം നായികയായി നിവേദ തോമസ് ചിത്രത്തിൽ എത്തുന്നു. ഏറെ നാളുകൾക്കു ശേഷം നിവേദ തോമസ് മലയാളത്തിൽ മടങ്ങിവരുന്ന ചിത്രമെന്ന പ്രത്യേകതയുമുണ്ട്.

നവാഗതനായ ഗോഡ്ഫി സേവ്യർ ബാബു രചനയും സംവിധാനവും നിർവഹിച്ചിരിക്കുന്ന ചിത്രം മാജിക്‌ ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫൻ ആണ് നിർമ്മിച്ചിരിക്കുന്നത്. ജസ്റ്റിൻ സ്റ്റീഫൻ സഹനിർമ്മാണം നിർവ്വഹിക്കുന്ന ചിത്രത്തിന്റെ ഛായാഗ്രഹണം ജിത്തു ദാമോദർ ആണ്. ചിത്രത്തിന് വില്യം ഫ്രാൻസിസ് സംഗീത സംവിധാനവും, എഡിറ്റിംഗ് രതീഷ് രാജ്, ഒറിജിനൽ ബാക്ക്ഗ്രൗണ്ട് സ്‌കോർ ജേക്സ് ബിജോയിയും നിർവഹിക്കുന്നു.