മമ്മൂട്ടി ചിത്രം ‘ക്രിസ്റ്റഫർ’ കാനഡയിൽ റിലീസിന് ; ഫെബ്രുവരി 08 -ന് രാത്രി മെഗാ ഫാൻസ്‌ ഷോയും

https://chat.whatsapp.com/FDyHrouQqfAC7xTtsrkFWp

മമ്മൂട്ടിയെ നായകനാക്കി ബി.ഉണ്ണികൃഷ്ണൻ സംവിധാനം ചെയ്യുന്ന ഏറ്റവും പുതിയ ചിത്രം ‘ക്രിസ്റ്റഫർ’ ഫെബ്രുവരി 09-ന് കാനഡയിൽ റിലീസ് ചെയ്യും. സിനിമയുടെ പ്രഖ്യാപനം മുതൽ തന്നെ സിനിമയുടെ പോസ്റ്ററുകളും ടീസറുമെല്ലാം അത്രയധികം ആവേശത്തോടെയാണ് കാനഡയിലെ സിനിമ പ്രേമികൾ സ്വീകരിച്ചത്.

https://www.youtube.com/watch?v=R3v_s95LPaw

ടു കേരള എന്റർടൈൻമെന്റ് ബാനറിൽ ബിജു തയ്യിൽച്ചിറയാണ് ചിത്രം കാനഡയിൽ പ്രദർശനത്തിനെത്തിക്കുന്നത്. കാനഡയിൽ വൈഡ് റിലീസായാണ് ‘ക്രിസ്റ്റഫർ’ പ്രദർശനത്തിനെത്തുന്നത്.

2010 ൽ പുറത്തിറങ്ങി പ്രമാണിക്ക് ശേഷം മമ്മൂട്ടിയും ബി ഉണ്ണികൃഷ്ണനും ഒന്നിക്കുന്ന ചിത്രമെന്ന് പ്രത്യേകതയും ക്രിസ്റ്റഫറിനുണ്ട്. പൊലീസ് ഉദ്യോഗസ്ഥനായാണ് മമ്മൂട്ടി ചിത്രത്തിൽ എത്തുന്നത്. ‘ബയോഗ്രാഫി ഓഫ് എ വിജിലൻറ് കോപ്പ് ‘ എന്ന ടാഗ് ലൈനോടുകൂടിയുള്ള ഒരു പോലീസ് ക്രൈം ഇൻവെസ്റ്റിഗേഷൻ സസ്പെൻസ് ത്രില്ലർ ഗണത്തിലുള്ള ചിത്രത്തിൻ്റെ തിരക്കഥ ഒരുക്കുന്നത് ഉദയകൃഷ്ണയാണ്. അമല പോൾ, സ്നേഹ, ഐശ്വര്യ ലക്ഷ്മി എന്നിങ്ങനെ മൂന്ന് നായികമാരാണ് ചിത്രത്തിലുള്ളത്. തെന്നിന്ത്യൻ താരം വിനയ് റായിയും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്നു.

ആർ ഡി ഇല്യൂമിനേഷൻസിന്റെ ബാനറിലാണ് ചിത്രം നിർമിക്കുന്നത്. ദിലീഷ് പോത്തൻ, സിദ്ദിഖ്, ജിനു എബ്രഹാം, വിനീതകോശി, വാസന്തി തുടങ്ങിയവരോടൊപ്പം അറുവത്തിയഞ്ചോളം പുതുമുഖങ്ങളും ചിത്രത്തിൽ വേഷമിടുന്നു. ഫൈസ് സിദ്ദിഖ് ആണ് ചിത്രത്തിൻ്റെ ഛായാഗ്രഹണം നിർവ്വഹിക്കുന്നത്. സംഗീതം: ജസ്റ്റിൻ വർഗീസ്.

About The Author