നായകനോ വില്ലനോ ഞെട്ടിക്കും! മുകുന്ദൻ ഉണ്ണി അസോസിയേറ്റ്സ്. റിവ്യൂ

https://chat.whatsapp.com/FDyHrouQqfAC7xTtsrkFWp

വിനീത് ശ്രീനിവാസനെ നായകനാക്കി നവാഗതനായ അഭിനവ് സുന്ദർ നായക് സംവിധാനം ചെയ്‌ത ‘മുകുന്ദൻ ഉണ്ണി അസോസിയേറ്റ്‌സ്’ കാനഡയിലും മികച്ച പ്രതികരണമാണ് നേടുന്നത്. നിറഞ്ഞ ചിരിയോടെ പ്രേക്ഷകർ ഏറ്റെടുത്ത സിനിമ വൻ വിജയത്തോടെ കാനഡയിലെ തിയറ്ററിൽ പ്രദർശനം തുടരുകയാണ്. ടു കേരള എന്റർടൈൻമെന്റ് ബാനറിൽ ബിജു തയ്യിൽച്ചിറയാണ് ചിത്രം കാനഡയിൽ പ്രദർശനത്തിനെത്തിച്ചിരിക്കുന്നത്.

മലയാളി സിനിമ പ്രേക്ഷകർക്ക് ഇന്നുവരെ കാണാത്ത ഒരു പുത്തൻ അനുഭവം തന്നെയായിരുന്നു ‘മുകുന്ദൻ ഉണ്ണി അസോസിയേറ്റ്സ്’. കേസില്ലാത്ത സ്വാർഥനായ വക്കീൽ മുകുന്ദൻ ഉണ്ണിയെന്ന കഥാപാത്രത്തെയാണ് ചിത്രത്തിൽ വിനീത് ശ്രീനിവാസൻ അവതരിപ്പിക്കുന്നത്. ഇതോടൊപ്പം തന്നെ ശ്രദ്ധ പിടിച്ചു പറ്റിയ കഥാപാത്രമായിരുന്നു സുരാജ് വെഞ്ഞാറമൂട് അവതരിപ്പിച്ച വേണു വക്കീൽ. കോമഡി, ഡ്രാമ, ത്രില്ലർ വിഭാഗങ്ങളിലെല്ലാം ഉൾപ്പെടുത്താവുന്ന ചിത്രമാണ് ‘മുകുന്ദൻ ഉണ്ണി അസോസിയേറ്റ്സ്’.

വിനീത് ശ്രീനിവാസന് പുറമേ സുരാജ് വെഞ്ഞാറമ്മൂട്, സുധി കോപ്പ , തൻവിറാം, ജഗദീഷ് , മണികണ്ഠൻ പട്ടാമ്പി, ബിജു സോപാനം, ജോർജ്ജ് കോര,ആർഷ ചാന്ദിനി ബൈജു , നോബിൾ ബാബു തോമസ്, അൽത്താഫ് സലിം, റിയാ സൈറ, രഞ്ജിത്ത് ബാലകൃഷ്ണൻ എന്നിവരും ചിത്രത്തിൽ മറ്റു പ്രധാന കഥാപാത്രങ്ങളെ അവതരിപ്പിക്കുന്നു. ജോയി മൂവിസിന്റെ ബാനറിൽ ഡോക്ടർ അജിത്ത് ജോയിയാണ് ചിത്രം നിർമ്മിച്ചിരിക്കുന്നത്. വിമൽ ഗോപാലകൃഷ്ണനും സംവിധായകൻ അഭിനവ് സുന്ദർ നായകും ചേർന്നാണ് ചിത്രത്തിന്റെ തിരക്കഥ എഴുതിയിരിക്കുന്നത്.

ടിക്കറ്റുകൾ ബുക്ക് ചെയ്യാൻ YORK CINEMAS/ CENTRAL PARKWAY/ http://www.2keralacanada.com Email: [email protected]