പുത്തൻ ദൃശ്യാനുഭവം പ്രേക്ഷകന് സമ്മാനിച്ച് 'കുമാരി' - Malayale.ca

https://chat.whatsapp.com/FDyHrouQqfAC7xTtsrkFWp

ഐശ്വര്യ ലക്ഷ്മി നായികയായെത്തുന്ന ത്രില്ലർ ചിത്രം ‘കുമാരി’ കാനഡയിൽ പ്രദർശനത്തിനെത്തി. ആദ്യ ദിന പ്രദർശനം കഴിയുമ്പോൾ തന്നെ മികച്ച അഭിപ്രായമാണ് ചിത്രത്തിന് ലഭിക്കുന്നത്. ടു കേരള എന്റർടൈൻമെന്റ് ബാനറിൽ ബിജു തയ്യിൽച്ചിറയാണ് കാനഡയിൽ ‘കുമാരി’ പ്രദർശനത്തിനെത്തിച്ചിരിക്കുന്നത്.

ഒരു മുത്തശ്ശിക്കഥ പോലെ ആരംഭിച്ച്, ചാത്തനെയും മറുതയെയും കുടിയിരുത്തിയ കാഞ്ഞിരങ്ങാട്ട് ഗ്രാമത്തിലേക്ക് കുമാരി എന്ന പെൺകുട്ടി വരുന്നതും. പിന്നീട് അവിടെ നടക്കുന്ന യുക്തിക്കുമൊക്കെ അപ്പുറം ഭയപ്പെടുത്ത ചില മായക്കാഴ്ചകളും അസാധാരണമായ സംഭവങ്ങളാണ് ചിത്രം പറയുന്നത്. നാടോടിക്കഥകളുടെയും കെട്ടുകഥകളുടെയും പശ്ചാത്തലത്തിൽ മികച്ച ഒരു ഹൊറർ ത്രില്ലർ ആണ് ‘കുമാരി’ പ്രേക്ഷകന് സമ്മാനിക്കുന്നത്.

ഗ്രാമീണ പശ്ചാത്തലത്തിൽ ഭയവും ആകാംക്ഷയും വേണ്ടുവോളം നിറഞ്ഞ ഈ ത്രില്ലർ ചിത്രം സംവിധാനം ചെയ്തിരിക്കുന്നത് നിർമൽ സഹദേവാണ്. ഫസൽ ഹമീദും നിർമൽ സഹദേവും ചേർന്നാണ് ചിത്രത്തിൻറെ തിരക്കഥ ഒരുക്കിയിരിക്കുന്നത്.

ടൈറ്റിൽ റോളിൽ ഐശ്വര്യ ലക്ഷ്മിയും, ഷൈൻ ടോം ചാക്കോ, സുരഭി ലക്ഷ്മി, സ്വാസിക, ജിജു ജോൺ, തൻവി രാം, സ്പടികം ജോർജ്ജ്, രാഹുൽ മാധവ്, ശിവജിത്, ശ്രുതി മേനോൻ, ശൈലജ കൊട്ടാരക്കര എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്. ജെക്സ് ബിജോയ് പശ്ചാത്തല സംഗീതം നിർവഹിച്ചിരിക്കുന്നത്. ദ ഫ്രെഷ് ലൈം സോഡാസിന്റെ ബാനറിൽ ജിജു ജോൺ, നിർമൽ സഹദേവ്, ശ്രീജിത് സാരംഗ്, ജേക്സ് ബിജോയ് എന്നിവരാണ് ചിത്രം നിർമിക്കുന്നത്. ഐശ്വര്യ ലക്ഷ്മി, പ്രിയങ്കാ ജോസഫ്, മൃദുല പിനപല, ജിൻസ് വർഗീസ് എന്നിവരാണ് സഹനിർമാതാക്കൾ.