കാനഡയിൽ വിദ്വേഷ ആക്രമണങ്ങൾ കൂടുന്നു, ഇന്ത്യക്കാർക്ക് മുന്നറിയിപ്പുമായി വിദേശകാര്യമന്ത്രാലയം

https://chat.whatsapp.com/FDyHrouQqfAC7xTtsrkFWp

കാനഡയിലെ ഇന്ത്യൻ പൗരന്മാർക്കും അവിടേക്ക് പോകുന്ന വിദ്യാർത്ഥികൾക്കും വിദേശകാര്യമന്ത്രാലയത്തിന്റെ മുന്നറിയിപ്പ്. വിദ്വേഷ അക്രമണങ്ങൾക്കെതിരെ ജാഗ്രത വേണമെന്ന് വിദേശകാര്യമന്ത്രാലയം നിർദ്ദേശിച്ചു.

കാനഡയിലുള്ള ഇന്ത്യക്കാർ അവിടെയുളള ഇന്ത്യൻ സ്ഥാനപതി കാര്യാലയത്തിന്റെ വെബ്സൈറ്റിൽ നിർബദ്ധമായും രജിസ്റ്റർ ചെയ്യണമെന്നും മന്ത്രാലയം നിർദ്ദേശിച്ചു. രാജ്യത്ത് വിദ്വേഷ കുറ്റകൃത്യങ്ങൾ വിഭാഗീയ അക്രമങ്ങൾ, ഇന്ത്യാ വിരുദ്ധ പ്രവർത്തനങ്ങൾ എന്നിവ വർദ്ധിച്ചുവരുന്ന സാഹചര്യത്തിലാണ് വിദേശകാര്യമന്ത്രാലയവും ഇന്ത്യൻ സ്ഥാനപതി കാര്യാലയവും ജാഗ്രത മുന്നറിയിപ്പ് നൽകിയിരിക്കുന്നത്. അടിയന്തര സാഹചര്യമുണ്ടായാൽ ഹൈക്കമ്മീഷനും കോൺസുലേറ്റ് ജനറലിനും പൗരന്മാരെ ബന്ധപ്പെടുന്നതിനു വേണ്ടിയാണിത്.

കാനഡയിൽ 16 ലക്ഷം ഇന്ത്യൻ വംശജരും മറ്റ് ഇന്ത്യൻ പ്രവാസികളുമുണ്ടെന്നാണ് നിലവിലെ കണക്ക്. കനേഡിയൻ ജനസംഖ്യയിൽ 3% ആണിത്.

About The Author