മിസ്സിസാഗയിൽ യുവതി കുത്തേറ്റ് മരിച്ചു; ഇന്ത്യക്കാരനെതിരെ കൊലക്കുറ്റം ചുമത്തി

https://chat.whatsapp.com/FDyHrouQqfAC7xTtsrkFWp

മിസ്സിസാഗയിൽ കുത്തേറ്റ് യുവതി മരിച്ച സംഭവത്തിൽ പ്രതിയെ അറസ്റ്റ് ചെയ്തതായി പോലീസ് അറിയിച്ചു. പഞ്ചാബ് സ്വദേശിയായ ചരൺജീത് സിംഗിനെയാണ് അറസ്റ്റ് ചെയ്തത്.

22 കാരിയായ ചന്ദൻപ്രീത് കൗറാണ് മരിച്ചതെന്ന് പോലീസ് സ്ഥിതീകരിച്ചു. ഭർത്താവ് ചരൺജീത് സിംഗിനെ (26) സംഭവസ്ഥലത്ത് വെച്ച് അറസ്റ്റ് ചെയ്യുകയും ജീവന് ഭീഷണിയില്ലാത്ത പരിക്കുകൾക്ക് ചികിത്സ നൽകുന്നതിനായി ട്രോമ സെന്ററിലേക്ക് മാറ്റുകയും ചെയ്തതായി പോലീസ് അറിയിച്ചു.

മാവിസ് റോഡിലും ബ്രിട്ടാനിയ റോഡ് വെസ്റ്റിലും സമീപമുള്ള ഹാർട്ട്‌ലാൻഡ് ടൗൺ സെന്ററിലെ ഒരു സ്റ്റോറിൽ വെച്ചാണ് കൗറിനു കുത്തേറ്റതെന്ന് പീൽ റീജിയണൽ പോലീസ് വാർത്താക്കുറിപ്പിൽ അറിയിച്ചു. കൗർ സംഭവസ്ഥലത്ത് തന്നെ മരിച്ചതായി പോലീസ് പറഞ്ഞു. സിംഗിനെതിരെ ഫസ്റ്റ് ഡിഗ്രി കൊലപാതക കുറ്റം ചുമത്തിയിട്ടുണ്ടെന്നും ബ്രാംപ്ടണിലെ കോടതിയിൽ ഹാജരാക്കിയതായും പോലീസ് അറിയിച്ചു. കുത്തുന്നതിന് മുമ്പുള്ളതോ തുടർന്നുള്ളതോ ആയ വീഡിയോ ദൃശ്യങ്ങൾ ഉൾപ്പെടെ സംഭവത്തെക്കുറിച്ച് എന്തെങ്കിലും വിവരം ലഭിക്കുന്നവർ പോലീസിൽ അറിയിക്കാൻ അന്വേഷണ ഉദ്യോഗസ്ഥർ അഭ്യർത്ഥിച്ചു.