കാനഡയിൽ പുതു ചരിത്രം; ഹൗസ്ഫുൾ ഷോകളുമായി നിറഞ്ഞാടി സുരേഷ് ഗോപിയുടെ 'പാപ്പൻ' - Malayale.ca

https://chat.whatsapp.com/EQzv7qMaaimHxuMaS46mu6

സുരേഷ് ഗോപി നായകനായ ചിത്രം ‘പാപ്പൻ’ കാനഡയിലെ തിയറ്ററുകളിൽ പ്രദർശനം തുടരുകയാണ്. പ്രേക്ഷക പ്രതീക്ഷകൾ വാനോളം ഉയർത്തുന്ന മികച്ച ഒരു ഫാമിലി ത്രില്ലർ ആണെന്നാണ് സിനിമ കണ്ടിറങ്ങുന്ന പ്രേക്ഷകരുടെ പ്രതികരണങ്ങൾ. ഏഴ് വർഷങ്ങൾക്ക് ശേഷം സൂപ്പർ ഹിറ്റ് സംവിധായകൻ ജോഷിയും സുരേഷ് ഗോപിയും ഒന്നിച്ചെത്തുന്ന സിനിമ എന്ന പ്രത്യേകതയും ചിത്രത്തിനുണ്ട്. കാനഡയിൽ ഹൗസ്ഫുൾ ഷോ കളുമായി നിറഞ്ഞാടുകയാണ് ‘പാപ്പൻ’. ടൂ കേരള എന്റർടൈൻമെന്റ് ബാനറിൽ ബിജു തയ്യിൽച്ചിറയാണ് കാനഡയിൽ ചിത്രം പ്രദർശനത്തിനെത്തിച്ചത്.

പത്ത് വർഷത്തിന് ശേഷം സുരേഷ് ഗോപി പൊലീസ് വേഷത്തിൽ എത്തുന്ന ചിത്രത്തിൽ ‘സിഐ എബ്രഹാം മാത്യു മാത്തൻ’ എന്ന കഥാപാത്രത്തെയാണ് അവതരിപ്പിക്കുന്നത്. ആദ്യമായി സുരേഷ് ഗോപിയും മകൻ ഗോകുൽ സുരേഷും ഒന്നിക്കുന്ന ചിത്രം കൂടിയാണിത്. നിതാ പിള്ളയാണ് ചിത്രത്തിൽ നായികാ കഥാപാത്രമായെത്തുന്നത്.

ചിത്രം റിലീസ് ചെയ്ത ആദ്യ ദിവസം നിറഞ്ഞ സദസിലാണ് കാനഡയിൽ പ്രദർശനങ്ങൾ നടന്നത്. മേക്കിങ്ങും ക്വാളിറ്റിയും മികച്ചുനിൽക്കുന്ന ചിത്രം ‘പാപ്പൻ’ പതിഞ്ഞ താളത്തിൽ തുടങ്ങി വളരെ ഡീസന്റ് ആയി മുന്നോട്ടുപോകുന്ന ഫസ്റ്റ് ഹാഫ് ആണുള്ളത്. സിനിമയുടെ ഏറ്റവും വലിയ പോസിറ്റീവ് അതിൻറെ ക്ലൈമാക്സ് തന്നെയാണെന്ന് സിനിമ കണ്ടിറങ്ങിയ പ്രേക്ഷകർ പറയുന്നത്.

ജേക്സ് ബിജോയി ചിത്രത്തിന് സംഗീതവും, ആർ ജെ ഷാൻ ചിത്രത്തിന് തിരക്കഥയും രചിച്ചിരിക്കുന്നത്. ശ്രീ ഗോകുലം മൂവീസ്സിന്റെ ബാനറിൽ ഗോകുലം ഗോപാലനും ഡേവിഡ് കാച്ചപ്പിള്ളി പ്രൊഡക്ഷൻസും ചേർന്നാണ് ചിത്രം നിർമിച്ചിരിക്കുന്നത്. കനിഹ, ആശാ ശരത്ത്, സ്വാസിക, ജുവൽ മേരി, മാളവികാ മോഹൻ, ഡയാനാ ഹമീദ്, സജിതാ മoത്തിൽ, രാഹുൽ മാധവ്, ശ്രീജിത്ത് രവി, ഷമ്മി തിലകൻ, വിജയരാഘവൻ, ടിനി ടോം, ജനാർദ്ദനൻ, നന്ദലാൽ, ചന്തു നാഥ്, അച്ചുതൻ നായർ, സാവിത്രി ശ്രീധർ, ബിനു പപ്പു, നിർമ്മൽ പാലാഴി, സുന്ദർ പാണ്ഡ്യൻ, ശ്രീകാന്ത് മുരളി, വിനീത് തട്ടിൽ എന്നിവരാണ് ചിത്രത്തിൽ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.