https://chat.whatsapp.com/IohETtskZ8IHQxOy5Wdjqa
രാജമൗലി സംവിധാനം ചെയ്യുന്ന ബ്രഹ്മാണ്ഡചിത്രം ‘ആർ ആർ ആർ’ കാനഡയിൽ റിലീസ് ചെയ്തു. രാം ചരണും ജൂനിയർ എൻ ടി ആറും കേന്ദ്ര കഥാപാത്രങ്ങളാകുന്ന സിനിമയ്ക്ക് മികച്ച പ്രതികരണമാണ് ലഭിച്ചിരിക്കുന്നത്. കാനഡയിൽ ബിജു തയ്യിൽച്ചിറയുടെ നേതൃത്വത്തിൽ ടൂ കേരള എന്റർടൈൻമെന്റ് ബാനറിൽ ആണ് ചിത്രം വിതരണം ചെയ്തിരിക്കുന്നത്. കാനഡയിൽ ഗംഭീര തിയേറ്റർ റിലീസ് ആണ് ടൂ കേരള എന്റർടൈൻമെന്റ് ബാനറിൽ ഒരുക്കുന്നത്. ബാഹുബലിക്ക് ശേഷം വരുന്ന രാജമൗലി ചിത്രത്തിനായി കാനഡയിലെ മലയാളി ആരാധകരും സിനിമാസ്വാദകരും ഒരുപോലെ കാത്തിരിക്കുകയായിരുന്നു. മികച്ചൊരു വിഷ്വൽ ട്രീറ്റ് തന്നെയാണ് ചിത്രമെന്ന് ഉറപ്പ് തരുന്ന പ്രതികരണമാണ് പ്രേഷകരുടെ ഇടയിൽ നിന്നും ലഭിക്കുന്നത്.
‘ആർആർആർ’ എന്ന് പേരിട്ടിരിക്കുന്ന സിനിമയുടെ പൂർണ നാമം ‘രൗദ്രം രണം രുധിരം’ എന്നാണ്. തെലുങ്ക്, തമിഴ്, മലയാളം, കന്നഡ, ഹിന്ദി, ഇംഗ്ലീഷ്, പോർച്ചുഗീസ്, കൊറിയൻ, ടർക്കിഷ്, സ്പാനിഷ് എന്നിങ്ങനെ പത്തു ഭാഷകളിലാണ് ചിത്രം റിലീസ് ചെയ്തിരിക്കുന്നത്. ലോകത്താകമാനം 10,000 സ്ക്രീനുകളിൽ ആർആർആർ റിലീസ് ചെയ്തിട്ടുണ്ട്. ആൽബിയോൺ സിനിമാസ് എറ്റോബികോക്, വുഡ്‌സൈഡ് സിനിമാസ് സ്കാർബ്രോ, യോർക്ക് സിനിമാസ് റിച്ച്മൗണ്ട് ഹിൽ, സെൻട്രൽ പാർക്ക് വേ സിനിമാസ് എന്നിവിടങ്ങളിൽ ചിത്രം മലയാള ഭാഷയിലാണ് റിലീസ് ചെയ്തിരിക്കുന്നത്.
1920കളിലെ സ്വാതന്ത്യ സമരസേനാനികളായ അല്ലൂരി സീതാരാമ രാജു, കോമരം ഭീം എന്നീവരുടെ കഥയാണ് ഈ സിനിമ പറയുന്നത്. സ്വാതന്ത്ര്യത്തിന് മുമ്പ് തെലങ്കാനയിലെ ആദിവാസി പോരാട്ടങ്ങൾക്ക് നേതൃത്വം കൊടുത്ത സമര നേതാക്കളായിരുന്നു ഇവർ. രാം ചരൺ ചിത്രത്തിൽ അല്ലൂരി സാതാരാമ രാജു ആയി എത്തുമ്പോൾ ജൂനിയർ എൻടിആറാണ് വെള്ളിത്തിരയിൽ കോമരം ഭീം ആയി പ്രത്യക്ഷപ്പെടുന്നത്. ബോളിവുഡ് താരങ്ങളായ അജയ് ദേവ്ഗൺ, ആലിയ ഭട്ട് തുടങ്ങി നിരവധി പ്രമുഖ താരങ്ങളും അണി നിരക്കുന്നുണ്ട്. ഒലിവിയ മോറിസ്, റേ സ്റ്റീവെൻസൺ, അലിസൺ ഡൂഡി, ഡെയ്സി എഡ്ജർ ജോൺസൺ തുടങ്ങിയ ഹോളിവുഡ് താരങ്ങളും സിനിമയിലുണ്ട്.
അച്ഛൻ കെ വി വിജയേന്ദ്ര പ്രസാദിന്റെ കഥയ്ക്ക് തിരക്കഥയൊരുക്കിയിരിക്കുന്നത് രാജമൗലി തന്നെയാണ്. DVV എന്റർടൈൻമെന്റ്‌സിന്റെ ഡി.വി.വി. ദനയ്യ ആണ് സിനിമ നിർമ്മിച്ചത്.
About The Author
More Stories
കാത്തിരിപ്പിന് വിരാമം, ആടുജീവിതം കാനഡയിൽ റിലീസിന്
നിഗൂഢതകൾ ഒളിപ്പിക്കുന്ന ‘ഭ്രമയുഗം’ പ്രീമിയർ ഷോ ഇന്ന് രാത്രി 10.30 ന്
‘മലൈക്കോട്ടൈ വാലിബൻ’ ആദ്യ ദിനം ആസ്വദിക്കാം 12 ഡോളറിൽ