തിയറ്ററുകൾ കീഴടക്കി ‘മരക്കാർ’, എല്ലാ ഷോകളും ഹൗസ്ഫുൾ

Join for daily Canada Malayalam News

https://chat.whatsapp.com/CxfbgpDHKJq6JQLeNYUIL0

റ്റു കേരള എന്റർടൈൻമെന്റ് ബാനറിൽ ബിജു തയ്യിൽചിറയാണ് കാനഡയിൽ ‘മരക്കാർ’ പ്രദർശനത്തിനെത്തിച്ചത്. സിനിമയുടെ ആദ്യ ഷോ കഴിയുമ്പോൾ കാനഡയിൽ അതിഗംഭീര പ്രതികരണമാണ് ചിത്രത്തിനു ലഭിക്കുന്നത്.

കാനഡയിൽ ഫാൻസ് ഷോകളുടെ എണ്ണത്തിലും ടിക്കറ്റ് വിൽപ്പനയിലും ചരിത്രം സ്രഷ്ട്ടിച്ച് ആണ് മോഹൻലാലിന്റെ ‘മരക്കാർ’ പ്രദർശനത്തിനെത്തിയത്. കാനഡയുടെ ചരിത്രത്തിൽ ആദ്യമായിട്ടാണ് ഒരു മലയാള ചിത്രത്തിന്റെ ടിക്കറ്റ് മണിക്കൂറുകൾക്കുള്ളിൽ സോൾഡ് ഔട്ട് ആകുന്നത്. ചിത്രം കണ്ടിറങ്ങിയ പ്രേക്ഷകർ സോഷ്യൽ മീഡിയയിൽ തങ്ങളുടെ പ്രതികരണം രേഖപ്പെടുത്തിയിട്ടുണ്ട്. കാനഡയിൽ ഇത്രയേറെ പ്രേക്ഷക പ്രതികരണം ഇതിനു മുൻപ് ലഭിച്ചിട്ടില്ല എന്നാണ് റ്റു കേരള എന്റർടൈൻമെന്റ് അണിയറപ്രവർത്തകർ പറയുന്നത്.

കാനഡയിൽ ബുക്കിങ് ആരംഭിച്ച് നിമിഷനേരംകൊണ്ടുതന്നെ ആദ്യദിനങ്ങളിലെ ടിക്കറ്റ് ഫുൾ ആയിരുന്നു. റ്റു കേരള എന്റർടൈൻമെന്റ് ബാനറിൽ ബിജു തയ്യിൽചിറയാണ് മരക്കാർ കാനഡയിൽ വൈഡ് റിലീസ് ചെയ്തത്. മരക്കാർ അഞ്ച് ഭാഷകളിലായിട്ടാണ് പ്രേക്ഷകരുടെ മുന്നിലേക്കെത്തുക. മരക്കാർ സിനിമ ‘ഒരു ദൃശ്യ വിസ്മയമെന്നാണ്’ പ്രേക്ഷകർ അഭിപ്രായപ്പെടുന്നത്.

പോർച്ചുഗീസുകാർക്കെതിരെ പടവെട്ടിയ കുഞ്ഞാലി മരക്കാർ നാലാമനായ മമ്മാലി മരക്കാരുടെ കഥയാണ് ചിത്രം പറയുന്നത്. പ്രിയദർശൻ തന്നെയാണ് കഥയും സംവിധാനവും ചെയ്തിരിക്കുന്നത്. പതിനാറാം നൂറ്റാണ്ടിലെ കോഴിക്കോട് പശ്ചാത്തലമാക്കി, സാമൂതിരിയുടെ നാവികസേനയുടെ പടത്തലവനായ കുഞ്ഞാലിയായി മോഹൻലാൽ കേന്ദ്രകഥാപാത്രമായി എത്തുന്നു. കുഞ്ഞാലി നാലാമന്റെ കുട്ടികാലം അഭിനയിക്കുന്നത് പ്രണവ് മോഹൻലാൽ ആണ്. ഇവർക്കൊപ്പം അർജുൻ സർജ, സുനിൽ ഷെട്ടി, പ്രഭു, കല്യാണി പ്രിയദർശൻ, കീർത്തി സുരേഷ്, മഞ്ജു വാര്യർ, നെടുമുടി വേണു, മുകേഷ്, ബാബുരാജ്, സുഹാസിനി, ഹരീഷ് പേരാടി, ഗണേഷ് കുമാർ, സന്തോഷ് കീഴാറ്റൂർ, മാമുക്കോയ, ഇന്നസെന്റ്, മണിക്കുട്ടന്, നന്ദു, സുരേഷ് കൃഷ്ണ തുടങ്ങി ഒരു വലിയ താരനിര തന്നെ അണിനിരക്കുന്നുണ്ട്.

മോഹൻലാൽ തന്റെ കഥാപാത്രത്തിന് തീർത്തും ഒളിമങ്ങാതെ മിഴിവേകാനും ശ്രദ്ധ കേന്ദ്രീകരിച്ചിരിക്കുന്നു എന്നത് സിനിമയിൽ ഉടനീളം കാണാനുണ്ട്. മരക്കാരിന്റെ ദൃശ്യ വിസ്മയം ക്യാമറാക്കണ്ണുകൾ മിഴി ചിമ്മാതെ ഒപ്പിയെടുക്കാൻ പ്രിയദർശനു സാധിച്ചു എന്ന് വേണം പറയാൻ. ആദ്യ ഷോകൾ കഴിയുമ്പോൾ തന്നെ ചിത്രം വൻ ഹിറ്റാകുമെന്നാണ് പ്രേക്ഷകർ പറയുന്നത്.

www.landmarkcinemas.com, www.ticketspi.com എന്നീ വെബ്സൈറ്റുകൾ വഴി ടിക്കറ്റ് ബുക്ക് ചെയ്യാം.

About The Author