അന്താരാഷ്ട്ര യാത്രയ്ക്കായി 8 വിമാനത്താവളങ്ങൾ കൂടി തുറക്കുമെന്ന് കാനഡ

അന്താരാഷ്ട്ര യാത്രകൾ സുഗമമാക്കുന്നതിന് കാനഡയിൽ കൂടുതൽ വിമാനത്താവളങ്ങൾ നവംബർ 30 മുതൽ തുറന്ന് പ്രവർത്തിക്കുമെന്ന് ഗതാഗത മന്ത്രി ഒമർ അൽഗബ്ര പത്രക്കുറിപ്പിൽ വ്യക്തമാക്കി.

“ വാക്സിനേഷൻ എടുത്ത അന്താരാഷ്ട്ര യാത്രക്കാർക്കായി കനേഡിയൻ വിമാനത്താവളങ്ങൾ സുരക്ഷിതമായി തുറക്കാൻ സർക്കാർ തീരുമാനിച്ചു.” എന്ന് ഗതാഗത മന്ത്രി ഒമർ അൽഗബ്ര മാധ്യമക്കുറിപ്പിൽ പറഞ്ഞു. “അതിർത്തി വീണ്ടും തുറക്കുന്നതിനുള്ള കാനഡ ഗവൺമെന്റിന്റെ സമീപനം തുടരുമ്പോൾ, ഈ ശൈത്യകാലത്ത് യാത്രക്കാർക്ക് അവരുടെ അന്താരാഷ്ട്ര യാത്രകൾക്കായി കൂടുതൽ പ്രാദേശിക വിമാനത്താവളങ്ങൾ ഉപയോഗിക്കാൻ കഴിയുമെന്ന് ഉറപ്പാക്കാൻ ഈ നടപടി സഹായിക്കും എന്ന പ്രതീക്ഷിക്കുന്നതായി അൽഗബ്ര പറഞ്ഞു. ” കോവിഡ് മാനദണ്ഡങ്ങൾ പാലിച്ച് മാത്രമേ വിമാനത്താവളങ്ങളിൽ യാത്ര അനുവദിക്കൂവെന്ന് അദ്ദേഹം പറഞ്ഞു.

സെന്റ് ജോൺസ് ഇന്റർനാഷണൽ, ജോൺ സി. മൺറോ ഹാമിൽട്ടൺ ഇന്റർനാഷണൽ, വാട്ടർലൂ ഇന്റർനാഷണലിന്റെ മേഖല, റെജീന ഇന്റർനാഷണൽ, സാസ്കറ്റൂൺ ജോൺ ജി. ഡിഫെൻബേക്കർ ഇന്റർനാഷണൽ, കെലോന ഇന്റർനാഷണൽ, അബോട്ട്സ്ഫോർഡ് ഇന്റർനാഷണൽ, വിക്ടോറിയ ഇന്റർനാഷണൽ എന്നീ എട്ട് വിമാനത്താവളങ്ങൾ ഇവയിൽ ഉൾപ്പെടുന്നു.