കാനഡയിൽ നിന്ന് വന്ന ഹിമാചൽ സ്വദേശിക്ക് ഒമിക്രോൺ സ്ഥിതീകരിച്ചു

https://chat.whatsapp.com/CxfbgpDHKJq6JQLeNYUIL0

കാനഡയിൽ നിന്ന് മടങ്ങിയെത്തിയ ഹിമാചൽ സ്വദേശിക്ക് ഒമിക്രോൺ സ്ഥിതീകരിച്ചതായി ഹിമാചൽ ആരോഗ്യ വകുപ്പ് അറിയിച്ചു. ഹിമാചലിൽ റിപ്പോർട്ട് ചെയ്ത ആദ്യത്തെ ഒമിക്രോൺ കേസാണിത്. എന്നാൽ രോഗിയുടെ ഏറ്റവും പുതിയ ആർ‌ടി-പി‌സി‌ആർ ഇപ്പോൾ നെഗറ്റീവ് ആയി വന്നിട്ടുണ്ടെങ്കിലും, പകർച്ചവ്യാധിയുടെ അധിക കേസുകളൊന്നും ഇല്ലെന്ന് ഉറപ്പാക്കാൻ ഹിമാചൽ ഭരണകൂടം കോൺ‌ടാക്റ്റ് ട്രെയ്‌സിംഗ് നടത്തി വരുകയാണ്.

രാജ്യത്ത് ഇതുവരെ 17 സംസ്ഥാനങ്ങളിലും കേന്ദ്രഭരണ പ്രദേശങ്ങളിലും ഒമിക്രോൺ സ്ഥിതീകരിച്ചിട്ടുണ്ട്. രാജ്യത്ത് 435 പേർക്ക് ഇതുവരെ ഒമിക്രോൺ സ്ഥിതീകരിച്ചു. കോവിഡ് -19 പോസിറ്റീവ് കണ്ടെത്തിയവരുടെ സാമ്പിളുകൾ ജീനോം സീക്വൻസിംഗിനായി ന്യൂഡൽഹിയിലെ നാഷണൽ സെന്റർ ഫോർ ഡിസീസ് കൺട്രോളിലേക്ക് അയക്കുന്നുണ്ട്. ആരോഗ്യ മന്ത്രാലയം പങ്കിട്ട ഔദ്യോഗിക കണക്കുകൾ പ്രകാരം, രാജ്യത്ത് ഏറ്റവും കൂടുതൽ ഒമിക്രോൺ അണുബാധ റിപ്പോർട്ട് ചെയ്തിരിക്കുന്നത് മഹാരാഷ്ട്രയിലാണ് (108), തൊട്ടുപിന്നാലെ ഡൽഹി (79), ഗുജറാത്ത് (43), തെലങ്കാന (41), കേരളം (38) , തമിഴ്നാട് (34), കർണാടക (31), രാജസ്ഥാൻ (22).

കാനഡയിൽ നിന്ന് ഡിസംബർ 18 ന് മാണ്ഡിയിൽ എത്തിയ ഒരു സ്ത്രീക്ക് കോവിഡ് -19 പോസിറ്റീവ് ആണെന്ന് സ്ഥിരീകരിച്ചിരുന്നു. അതിവേഗം പടരുന്ന ഒമിക്രോൺ വേരിയന്റ് കണക്കിലെടുത്ത്, ജനുവരി 10 മുതൽ ആരോഗ്യ, മുൻനിര പ്രവർത്തകർക്കും 60 വയസ്സിനു മുകളിലുള്ളവർക്കും ബൂസ്റ്റർ ഡോസുകൾ നൽകുമെന്ന് ഗവൺമെന്റ് പ്രഖ്യാപിച്ചു.15 നും 18 നും ഇടയിൽ പ്രായമുള്ള കുട്ടികൾക്കുള്ള പ്രതിരോധ കുത്തിവയ്പ്പ് നൽകുമെന്ന് പ്രധാനമന്ത്രി നരേന്ദ്ര മോദി പ്രഖ്യാപിച്ചു.