വാക്സിന് ക്ഷാമമോ?? ട്രൂഡോയുടെ വെളിപ്പെടുത്തൽ

രാജ്യത്ത് അർഹരായ എല്ലാവർക്കും ആവശ്യമായത്ര കോവിഡ് – 19 വാക്സിൻ ഡോസുകൾ കാനഡയിലുണ്ടെന്ന് പ്രധാനമന്ത്രി ജസ്റ്റിൻ ട്രൂഡോ പറഞ്ഞു. പൂർണമായി പ്രതിരോധ കുത്തിവയ്പ്പ് നടത്താൻ ആഗ്രഹിക്കുന്ന എല്ലാ കനേഡിയൻ‌മാർക്കും രണ്ട് ഡോസുകളും ലഭിക്കുന്ന തിയ്യതിയായതായി പബ്ലിക് ഹെൽത്ത് ഏജൻസി ഓഫ് കാനഡയും (പി‌എ‌എ‌സി) സർക്കാരും സെപ്റ്റംബർ അവസാനം നിശ്ചയിച്ചിരുന്നു. . “ഞങ്ങൾ ആ വാഗ്ദാനം പാലിക്കുക തന്നെ ചെയ്യും, അതിൽ ഒരു മാറ്റവും ഇല്ല ” ട്രൂഡോ പറഞ്ഞു.

ഈ ആഴ്ച കയറ്റുമതിയിൽ 3.6 ദശലക്ഷം ഡോസ് ഫൈസർ-ബയോ‌ടെക് വാക്സിനും 1.4 ദശലക്ഷം ഡോസ് മോഡേണ വാക്സിനും ഉൾപ്പെടുന്നു. കഴിഞ്ഞ വെള്ളിയാഴ്ച പുറത്തിറക്കിയ സർക്കാറിന്റെ ഏറ്റവും പുതിയ കണക്കുകൾ പ്രകാരം, 12 വയസും അതിൽ കൂടുതലുമുള്ള കനേഡിയൻമാരിൽ 57.45 ശതമാനം പേർക്ക് പൂർണമായി പ്രതിരോധ കുത്തിവയ്പ് നൽകിയിട്ടുണ്ട്, 79.66 ശതമാനം പേർക്ക് ഒരു ഡോസെങ്കിലും ലഭിച്ചു.

12 വയസ്സിന് താഴെയുള്ളവർക്ക് പ്രതിരോധ കുത്തിവയ്പ്പ് നൽകുന്നത് സംബന്ധിച്ച് പഠനങ്ങൾ നടന്നുവരികയാണെന്ന് മോഡേണ,ഫൈസർ-ബയോ‌ടെക് എന്നിവയുടെ പ്രതിനിധികൾ പറഞ്ഞു. സെപ്റ്റംബർ അവസാനത്തോടെ അധിക പ്രായപരിധി നിർണ്ണയിക്കാൻ ആവശ്യമായ വിതരണം സർക്കാർ പ്രതീക്ഷിക്കുന്നുണ്ടെന്ന് മന്ത്രി അനിത ആനന്ദ് പറഞ്ഞു.