പീൽ റീജിയണിലെ വനിതാ പാരാമെഡിക്കൽ ജീവനക്കാർക്കെതിരെ ലൈംഗികാതിക്രമം നടത്തിയ പ്രതിയെ അറസ്റ്റ് ചെയ്ത് പോലീസ്

https://chat.whatsapp.com/FDyHrouQqfAC7xTtsrkFWp

പീൽ റീജിയണിലെ വനിതാ പാരാമെഡിക്കൽ ജീവനക്കാർക്കെതിരെ ലൈംഗികാതിക്രമം നടത്തിയ ഒന്റാറിയോ സ്വദേശിയെ അറസ്റ്റ് ചെയ്തതായി പീൽ റീജിയണൽ പോലീസ് അറിയിച്ചു.

2022 ഏപ്രിലിനും 2023 ഫെബ്രുവരിക്കും ഇടയിൽ വനിതാ പാരാമെഡിക്കൽ ജീവനക്കാരെ അവരുടെ സമ്മതമില്ലാതെ സ്പർശിക്കുകയും, വൈദ്യസഹായം നൽകുന്നതിനിടയിൽ “അധിക്ഷേപകരമായ ലൈംഗിക പരാമർശങ്ങൾ” നടത്തുകയും ചെയ്തുവെന്ന് അന്വേഷണ ഉദ്യോഗസ്ഥർ ആരോപിക്കുന്നു. അവരുടെ അന്വേഷണത്തിന്റെ ഫലമായി, 34-കാരനായ കോൺസ്റ്റാന്റിൻ ഗൊലോവിനെതിരെ ലൈംഗികാതിക്രമം, ദ്രോഹം എന്നീ രണ്ട് വകുപ്പുകൾ വീതവും ക്രിമിനൽ പീഡനം, ഭീഷണി എന്നീ കുറ്റങ്ങളും ചുമത്തിയിട്ടുണ്ട്.

“ഞങ്ങളുടെ കമ്മ്യൂണിറ്റിക്ക് പരിചരണം നൽകുന്നവർ എല്ലായ്‌പ്പോഴും സുരക്ഷിതരായിരിക്കണം. ഇത്തരത്തിലുള്ള പ്രവർത്തനങ്ങളും പെരുമാറ്റവും വെച്ചുപൊറുപ്പിക്കില്ലെന്ന് ഞങ്ങളുടെ സമൂഹത്തിന് ഉറപ്പുനൽകാൻ ഈ അറസ്റ്റ് സഹായിക്കും,” ഡെപ്യൂട്ടി ചീഫ് മാർക്ക് ആൻഡ്രൂസ് ശനിയാഴ്ച പുറത്തിറക്കിയ വാർത്താക്കുറിപ്പിൽ പറഞ്ഞു.

കൂടുതൽ ഇരകൾ ഉണ്ടായേക്കാമെന്ന് പോലീസ് കരുതുന്നു, അവരെല്ലാം വനിതാ പാരാമെഡിക്കുകൾ ആയിരിക്കില്ല, ആയതിനാൽ അന്വേഷണവുമായി ബന്ധപ്പെട്ട വിവരങ്ങൾ ലഭിക്കുന്നവർ 905-453-2121 എന്ന നമ്പറിൽ പോലീസുമായി ബന്ധപ്പെടാൻ അഭ്യർത്ഥിക്കുന്നു.