വാക്‌സിൻ നിർബദ്ധം ഉത്തരവിറക്കി കാനഡ സർക്കാർ

ഒക്ടോബർ 30 മുതൽ, റെയിൽവേ, റോക്കി മൗണ്ടനീർ ട്രെയിനുകൾ, വിമാന യാത്രികർ തുടങി എല്ലാവർക്കും വാക്സിനേഷൻ നിർബദ്ധമാക്കിയുള്ള ഉത്തരവിറക്കി കാനഡ സർക്കാർ.

ഒക്ടോബർ 30-ന് പുലർച്ചെ 3 മണിക്ക് പ്രാബല്യത്തിൽ വരുന്ന നടപടിക്കാണ് ഫെഡറൽ സർക്കാർ ഉത്തരവിറക്കിയിരിക്കുന്നത്. നിയന്ത്രിത ഗതാഗത മാർഗ്ഗങ്ങൾ ഉപയോഗിക്കുന്ന 12 വയസും അതിൽ കൂടുതലുമുള്ള യാത്രക്കാർക്ക് ഈ ഉത്തരവ് ബാധകമാണ്. കനേഡിയൻ വിമാനത്താവളങ്ങളിൽ നിന്നുള്ള എല്ലാ ആഭ്യന്തര, അന്തർദേശീയ ഫ്ലൈറ്റുകളും, വിഐഎ റെയിൽ, റോക്കി മൗണ്ടനീർ ട്രെയിൻ യാത്രക്കാർ, 24 മണിക്കൂറോ അതിൽ കൂടുതലോ യാത്ര ചെയ്യുന്ന ക്രൂയിസ് കപ്പൽ യാത്രക്കാർ എന്നിവർ ഇതിൽ ഉൾപ്പെടുന്നു.

ഒക്ടോബർ ആദ്യം ഈ നടപടികൾ നടപ്പിലാക്കാനുള്ള പദ്ധതികൾ ഫെഡറൽ സർക്കാർ പ്രഖ്യാപിച്ചിരുന്നു. കാനഡയ്ക്ക് പുറത്ത് താമസിക്കുന്നവരും ഒക്ടോബർ 30-ന് മുമ്പ് കാനഡയിൽ പ്രവേശിച്ചവരുമായ വിദേശ പൗരന്മാർക്ക് വേണ്ട മാർഗനിർദ്ദേശങ്ങൾ സ്വീകരിച്ചിട്ടുണ്ടെന്ന് സർക്കാർ ഇന്ന് വ്യക്തമാക്കിയിരുന്നു.

പ്രതിരോധ കുത്തിവയ്പ് എടുക്കാത്തവരും യാത്രയ്ക്കിടെ കോവിഡ്-19 പോസിറ്റീവ് ആണെന്ന് പരിശോധനയിൽ അറിഞ്ഞവർക്കോ 14 ദിവസം ഐസൊലേഷനിൽ കഴിയുന്നതുവരെ കൂടുതൽ യാത്ര ചെയ്യാനോ പുറപ്പെടുന്ന സ്ഥലത്തേക്ക് മടങ്ങാനോ അനുവദിക്കില്ല എന്നും ഈ ഉത്തരവിൽ വ്യക്തമാക്കുന്നു. അടിയന്തര സാഹചര്യങ്ങൾക്കും നിരവധി ഇളവുകൾ അനുവദിക്കുമെന്ന് ഗതാഗത മന്ത്രി ഒമർ അൽഗബ്ര, അറിയിച്ചിട്ടുണ്ട്. എന്നാൽ ഈ ഇളവുകളുടെ വിശദാംശങ്ങൾ ഇതുവരെ നൽകിയിട്ടില്ല.