റൊമാന്റിക് എന്റെർറ്റൈനെർ 'പ്രണയ വിലാസം' റിവ്യൂ - Malayale.ca

റൊമാന്റിക് എന്റെർറ്റൈനെർ ‘പ്രണയ വിലാസം’ റിവ്യൂ

https://chat.whatsapp.com/FDyHrouQqfAC7xTtsrkFWp

സൂപ്പർ ശരണ്യക്ക് ശേഷം അർജുൻ അശോകൻ, അനശ്വര രാജൻ, മമിത ബൈജു എന്നിവർ കേന്ദ്ര കഥാപാത്രങ്ങളാകുന്ന ഏറ്റവും പുതിയ ചിത്രമാണ് ‘പ്രണയ വിലാസം’. ആദ്യ ദിനം പിന്നിടുമ്പോൾ കാനഡയിൽ സിനിമയ്ക്ക് മികച്ച പ്രതികരണമാണ് ലഭിക്കുന്നത്. ടു കേരള എന്റർടൈൻമെന്റ് ബാനറിൽ ബിജു തയ്യിൽച്ചിറയാണ് ചിത്രം കാനഡയിൽ പ്രദർശനത്തിനെത്തിച്ചിരിക്കുന്നത്.

പുതിയ കാലത്തിലെയും പഴയ കാലത്തിലെയും പ്രണയത്തിന്റെ യാത്രയാണ് ‘പ്രണയ വിലാസം’. തമാശയും സെന്റിമെൻറ്സും റൊമാൻസും ഒക്കെ കൂടി കലർന്ന ഒരു തകർപ്പൻ സിനിമ. അർജുൻ അശോകനും മമിത ബൈജുവും തമ്മിലെ പ്രണയവും അവരുടെ കെമിസ്ട്രിയും സ്‌ക്രീനിൽ കാണാനും അതിഗംഭീരം തന്നെയാണ്.

ഇടക്ക് ഇടക്ക് വരുന്ന തമാശകളും നമ്മളെ എൻഗേജ് ചെയ്യിപ്പിക്കുന്ന സീനുകളും കൃത്യമായി മിക്സ് ചെയ്ത് ചിത്രത്തിന്റെ കഥ കൊണ്ടുപോകുന്ന രീതി അഭിനന്ദിക്കേണ്ടതാണ്. അർജുൻ അശോകനും മമിത ബൈജുവും തമ്മിലെ പ്രണയവും അവരുടെ കെമിസ്ട്രിയും ആദ്യ പകുതിയിൽ മികച്ചു നിൽക്കുന്നു. രണ്ടാം പകുതി തുടങ്ങി അവസാനിക്കുന്നത് വളരെ പെട്ടെന്നാണ്. അതായത് ഒരു കമ്പ്ലീറ്റ് എന്റർടൈൻമെന്റ് പാക്കേജ് തന്നെയാണ് ‘പ്രണയ വിലാസം’.

നിഖിൽ മുരളി സംവിധാനം ചെയ്തിരിക്കുന്ന ചിത്രത്തിന്റെ തിരക്കഥ ഒരുക്കിയിരിക്കുന്നത് ജ്യോതിഷ് എം, സുനു എ.വി ചേർന്നാണ്. സിബി ചവറ, രഞ്ജിത്ത് നായർ എന്നിവർ ചേർന്ന് ചിത്രം നിർമ്മിച്ചിരിക്കുന്നത്. സുഹൈൽ കോയ, മനു മഞ്ജിത്ത്, വിനായക് ശശികുമാർ എന്നിവർ എഴുതിയ വരികൾക്ക് സംഗീതം നൽകിയിരിക്കുന്നത് ഷാൻ റഹ്മാനാണ്.