കാനഡയിൽ മികച്ച പ്രേക്ഷക പ്രതികരണവുമായി 'പ്രകാശൻ പറക്കട്ടെ' - Malayale.ca

https://chat.whatsapp.com/EQzv7qMaaimHxuMaS46mu6

മാത്യു തോമസ്, ദിലീഷ് പോത്തൻ, നിഷ സാരംഗ് എന്നിവർ പ്രധാന കഥാപാത്രങ്ങളായിയെത്തുന്ന ‘പ്രകാശൻ പറക്കട്ടെ’ കാനഡയിൽ റിലീസ് ചെയ്തു. ടൂ കേരള എന്റർടൈൻമെന്റ് ബാനറിൽ ബിജു തയ്യിൽച്ചിറയാണ് ചിത്രം കാനഡയിൽ പ്രദർശനത്തിനെത്തിച്ചിരിക്കുന്നത്. യോർക്ക് സിനിമാസ് റിച്ച്മൗണ്ട് ഹിൽ, സെൻട്രൽ പാർക്കവേ സിനിമാസ് മിസ്സിസാഗാ എന്നിവിടങ്ങളിലാണ് ചിത്രം റിലീസ് ചെയ്തിരിക്കുന്നത്. മികച്ച പ്രേക്ഷക പ്രതികരണമാണ് ചിത്രത്തിന് കാനഡയിൽ ലഭിച്ചിരിക്കുന്നത്.

തന്റെ ലക്ഷ്യം പിന്തുടരാൻ ആഗ്രഹിക്കുന്ന കൗമാരക്കാരനെ ചുറ്റിപ്പറ്റി ഗ്രാമീണ പശ്ചാത്തലത്തിൽ ഒരുക്കിയിരിക്കുന്ന ചിത്രത്തിൽ മാത്യു തോമസ്, ദിലീഷ് പോത്തൻ, നിഷ സാരംഗ്, ഗോവിന്ദ് പൈ, സൈജു കുറിപ്പ്, സ്മിനു സിജോ, മാസ്റ്റർ ഋതുൺജയ് ശ്രീജിത്ത് രവി എന്നിവർ പ്രധാനകഥാപാത്രങ്ങളെ അവതരിപ്പിക്കുന്നു. അനാഥി പീടിക നടത്തുന്ന പ്രകാശൻ എന്ന സാധാരണക്കാരന്റേയും അദ്ദേഹത്തിന്റെ വീട്ടിലെ ചില സംഭവവികാസങ്ങളുമാണ് ചിത്രം പറയുന്നത്. പ്രകാശനെ ദിലീഷ് പോത്തൻ അവതരിപ്പിക്കുമ്പോൾ ഭാര്യ ലതയെ നിഷ സാരംഗും മകൻ ദാസനെ മാത്യുവും അവതരിപ്പിക്കുന്നു. പുതുമുഖം മാളവിക മനോജാണ് നായിക. സിറ്റുവേഷണൽ കോമഡികൾ കൊണ്ട് സമ്പന്നമാണ് ചിത്രം.

പുതുമുഖ സംവിധായകൻ ഷഹദാണ് സിനിമ സംവിധാനം ചെയ്തിരിക്കുന്നത്. ഹിറ്റ് മേക്കേഴ്സ് എന്റർടെെയ്മെന്റ്, ഫന്റാസ്റ്റിക് ഫിലിംസ് എന്നീ ബാനറിൽ വിശാഖ് സുബ്രഹ്മണ്യം, ടിനു തോമസ്, അജു വർഗീസ് എന്നിവർ ചേർന്നാണ് ചിത്രം നിർമ്മിക്കുന്നത്. ഷാൻ റഹ്മാനാണ് സംഗീത സംവിധാനം നിർവഹിച്ചിരിക്കുന്നത്. ചിത്രത്തിന്റെ കഥയും തിരക്കഥയും സംഭാഷണവും ഒരുക്കിയിരിക്കുന്നത് ധ്യാൻ ശ്രീനിവാസനാണ്.