‘മോൺസ്റ്റർ’ കാനഡയിൽ; ഒക്ടോബർ 21-ന് റിലീസ് ചെയ്യും; മെഗാ ഫാൻസ്‌ ഷോ ഒക്ടോബർ 20-ന്

https://chat.whatsapp.com/FDyHrouQqfAC7xTtsrkFWp

കാനഡയിലെ മലയാളികൾ ഏറെ പ്രതീക്ഷയോടെ കാത്തിരിക്കുന്ന മോഹൻലാൽ ചിത്രം മോൺസ്റ്റർ ഒക്ടോബർ 21-ന് കാനഡയിൽ റിലീസ് ചെയ്യും. പ്രഖ്യാപന സമയം മുതൽ ഏറെ ശ്രദ്ധനേടിയ മലയാള ചിത്രമാണ് മോൺസ്റ്റർ. സിനിമയുടെ ഓരോ അപ്ഡേറ്റും അത്രയധികം ആവേശത്തോടെയാണ് കാനഡയിലെ സിനിമ പ്രേമികൾ സ്വീകരിച്ചത്. ടു കേരള എന്റർടൈൻമെന്റ് ബാനറിൽ ബിജു തയ്യിൽച്ചിറയാണ് ‘മോൺസ്റ്റർ’ കാനഡയിൽ പ്രദർശനത്തിനെത്തിക്കുന്നത്. കാനഡയിലെ ഏറ്റവും ബിഗ്ഗെസ്റ്റ് റിലീസ് ആയിട്ടാണ് മോൺസ്റ്റർ എത്തുന്നത്.

മലയാളത്തിൽ ആദ്യമായി 100 കോടി ക്ലബിൽ ഇടം നേടിയ പുലിമുരുകന് ശേഷം മോഹൻലാലും വൈശാഖും വീണ്ടും ഒന്നിക്കുന്ന ചിത്രമാണ് മോൺസ്റ്റർ. പുലിമുരികനിലൂടെ പ്രേക്ഷകർക്ക് ലഭിച്ച ദൃശ്യ വിസ്മയവും തീയേറ്റർ എക്‌സ്പീരിയൻസും മായാതെ നിൽക്കുന്ന മലയാളികളുടെ മനസ്സിൽ മോൺസ്റ്ററും വലിയ പ്രതീക്ഷയാണ് നൽകുന്നത്. മോൺസ്റ്ററിന്റെ തിരക്കഥയെഴുതുന്നത് ‘പുലിമുരുകന്റെ’ രചയിതാവായ ഉദയ് കൃഷ്‍ണയാണ്.

പൂർണ്ണമായും ഒരു ക്രൈം ത്രില്ലർ ചിത്രമായാണ് മോൺസ്റ്റർ വരുന്നത്. നിരവധി സസ്‌പെൻസും ദുരൂഹതകളും കോർത്തിണക്കി ഒരുക്കുന്ന ചിത്രത്തിൽ സിദ്ദിഖ്, ലക്ഷ്മി മഞ്ചു, ഹണി റോസ്, സുദേവ് നായർ, ​ഗണേഷ് കുമാർ, ലെന, സാധിക വേണു​ഗോപാൽ, ജോണി ആന്റണി, കൈലാഷ്, ബിജു പപ്പൻ, തുടങ്ങിയവർ പ്രധാന കഥാപാത്രങ്ങളെ അവതരിപ്പിക്കുന്നു. ചിത്രത്തിൻറേതായി നേരത്തെ പുറത്തുവിട്ട ട്രെയിലറും പാട്ടും ഏറെ ശ്രദ്ധനേടിയിരുന്നു. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് ചിത്രം നിർമിക്കുന്നത്. ദീപക് ദേവാണ് സം​ഗീത സംവിധാനം.

മെഗാ ഫാൻസ്‌ ഷോ ടിക്കറ്റുകൾ ബുക്ക് ചെയ്യാൻ https://yorkcinemas.ca/mobile/ https://centralparkwaycinema.com/mobile/

About The Author