കാനഡയിൽ മികച്ച പ്രതികരണവുമായി 'ജോ & ജോ' യും, 'കുറ്റവും ശിക്ഷയും' എല്ലാ ഷോകളും ഹൗസ്ഫുൾ - Malayale.ca

https://chat.whatsapp.com/EQzv7qMaaimHxuMaS46mu6

ടു കേരള എന്റർടൈൻമെന്റ് ബാനറിൽ ആസിഫ് അലി കേന്ദ്ര കഥാപാത്രമായി എത്തുന്ന ‘കുറ്റവും ശിക്ഷയും’, നിഖില വിമൽ നായികയാകുന്ന ഫാമിലി എന്റെർറ്റൈനെർ ‘ജോ & ജോ’ യും കാനഡയിൽ പ്രദർശനത്തിനെത്തി. കാനഡയിൽ അതി ഗംഭീര പ്രതികരണമാണ് ചിത്രത്തിനു പ്രേക്ഷകരുടെ ഇടയിൽ നിന്നും ലഭിച്ചിരിക്കുന്നത്. കാനഡയിൽ പ്രദർശനത്തിനെത്തിയ തീയേറ്ററുകളെല്ലാം തന്നെ ഹൗസ്ഫുൾ ഷോകളാൽ നിറഞ്ഞിരിക്കുകയാണ്.

ആസിഫ് അലി കേന്ദ്ര കഥാപാത്രമായി എത്തുന്ന ചിത്രമാണ് ‘കുറ്റവും ശിക്ഷയും’. വർഷങ്ങൾ മുമ്പ് കാസർഗോഡ് നടന്ന ഒരു ജ്വല്ലറി മോഷണത്തെ ആസ്പദമാക്കിയാണ് ‘കുറ്റവും ശിക്ഷയും’ ചിത്രത്തിൻറെ കഥ മുന്നോട്ട് പോകുന്നത്. കേരളത്തിൽ വ്യാപക തെരച്ചിൽ നടത്തുകയും തുടർന്ന് മോഷ്ടാക്കൾ നോർത്ത് ഇന്ത്യയിലെ ഒരു ഗ്രാമത്തിലേക്ക് കടന്നതായി മനസ്സിലാക്കുന്നതും ഇവരെ പിടികൂടാനായി അന്വേഷണ സംഘം നടത്തുന്ന പ്രവർത്തനങ്ങളും ആണ് ചിത്രത്തിന്റെ കഥാതന്തു. ക്രൈം ത്രില്ലർ ചിത്രങ്ങളിലേതിന് സമാനമായി പ്രേക്ഷകരെ ത്രില്ലടിപ്പിക്കുന്ന രീതിയിലാണ് കഥ മുന്നോട്ട് പോകുന്നത്.

കേരള പോലീസിന്റെ അന്വേഷണ രീതിയും സുഹൃത്ബന്ധങ്ങളും, അർപ്പണമനോഭാവവും ചിത്രത്തിൽ വരച്ചുകാട്ടുന്നു. ആസിഫ് അലി, അലൻസിയർ, ഷറഫുദ്ദീൻ, സണ്ണി വെയ്ൻ, സെന്തിൽ കൃഷ്ണ തുടങ്ങിയവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.

കുടുംബ പശ്ചാത്തലത്തിൽ എത്തിയ ലളിതവും നർമ്മ പ്രദാനവുമായ ചിത്രമാണ് ജോ ആന്റ് ജോ. നിഖില വിമൽ നായികയാകുന്ന ചിത്രത്തിൽ മാത്യു തോമസ്, നസ്ലിൻ കെ. ഗഫൂർ, ജോണി ആന്റണി, സ്മിനു സി ജോയ് എന്നിവരും പ്രധാനകഥാപാത്രങ്ങളെ അവതരിപ്പിക്കുന്നു. കാനഡയിൽ മലയാളി പ്രേക്ഷകർ ഏറെ പ്രതീക്ഷയോടെ കാത്തിരുന്ന ചിത്രവും കൂടിയായിരുന്നു ‘ജോ & ജോ’. മികച്ച പ്രതികരണമാണ് ചിത്രത്തിന് ലഭിച്ചുകൊണ്ടിരിക്കുന്നത്.

അരുൺ ഡി ജോസും, രവീഷ് നാഥും, ചേർന്നാണ് തിക്കഥയും സംഭാഷണവും എഴുതിയിരിക്കുന്നത്. ടിറ്റോ തങ്കച്ചന്റെ വരികൾക്ക് ഗോവിന്ദ് വസന്ത സംഗീതം നിർവഹിച്ചിരിക്കുന്നു. ഇമാജിൻ സിനിമാസ്, സിഗ്നേച്ചർ സ്റ്റുഡിയോസ് എന്നീ ബാനറുകളിലാണ് ചിത്രം നിർമ്മിച്ചിരിക്കുന്നത്.