‘ഇരട്ട’യിൽ ഇരട്ട വേഷപ്രകടനവുമായി വിസ്‍മയിപ്പിക്കാൻ ജോജു ജോർജ്; കാനഡയിൽ നാളെ റിലീസ് ചെയ്യും

https://chat.whatsapp.com/FDyHrouQqfAC7xTtsrkFWp

ജോജു ജോർജ്ജ് ആദ്യമായി ഇരട്ട വേഷത്തിലെത്തുന്ന ‘ഇരട്ട’ കാനഡയിൽ റിലീസ് ചെയ്യും. ടു കേരള എന്റർടൈൻമെന്റ് ബാനറിൽ ബിജു തയ്യിൽച്ചിറയാണ് ചിത്രം പ്രദർശനത്തിനെത്തിക്കുന്നത്. നവാഗതനായ രോഹിത് എം.ജി. കൃഷ്‍ണനാണ് ചിത്രത്തിന്റെ സംവിധായകൻ. ഫെബ്രുവരി രണ്ടിനാണ് ചിത്രം കാനഡയിലെ തിയെറ്ററുകളിൽ എത്തുക.

ആക്ഷനും സസ്‌പെൻസും നിറഞ്ഞ ചിത്രം തികച്ചും പോലീസ് ക്രൈം ഇൻവെസ്റ്റിഗേഷൻ ത്രില്ലർ ആയിട്ടാണ് അണിയിച്ചൊരുക്കുന്നത്. വിനോദ്, പ്രമോദ് എന്നീ ഇരട്ട സഹോദരന്മാരായാണ് ജോജു ജോർജ്ജ് ഈ ചിത്രത്തിൽ എത്തുന്നത്. തെന്നിന്ത്യൻ താരം അഞ്ജലി ആണ് നായികയായി എത്തുന്നത്.

ജോജു ജോർജിൻറെ ഉടമസ്ഥതയിലുള്ള അപ്പു പാത്തു പാപ്പു പ്രൊഡക്ഷൻസും മാർട്ടിൻ പ്രക്കാട്ട് ഫിലിംസും സിജോ വടക്കനും ചേർന്നാണ് ചിത്രത്തിൻറെ നിർമ്മാണം. ജോജു, അഞ്ജലി എന്നിവരെക്കൂടാതെ സ്രിന്ധ, ആര്യ സലിം, ശ്രീകാന്ത് മുരളി, സാബുമോൻ, അഭിരാം എന്നിവരാണ് ‘ഇരട്ട’യിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ജേക്സ് ബിജോയാണ് ചിത്രത്തിന്റെ സംഗീത സംവിധാനം നിർവഹിച്ചിരിക്കുന്നത്.

About The Author