കാനഡയിൽ അയ്യർ തരംഗം ആഘോഷം ഏറ്റെടുത്ത് ആരാധകർ

https://chat.whatsapp.com/EQzv7qMaaimHxuMaS46mu6

പ്രേക്ഷകരുടെ പ്രതീക്ഷകൾക്ക് മങ്ങലേൽപ്പിക്കാതെ ‘സേതുരാമയ്യരാ’യി മമ്മൂട്ടി അഞ്ചാമതും കാനഡയിൽ തരംഗം സൃഷ്ട്ടിച്ചിരിക്കുകയാണ്. കാനഡയിലെങ്ങും മികച്ച സ്വീകരണമാണ് ചിത്രത്തിന് ലഭിച്ചിരിക്കുന്നത്. ടൂ കേരള എന്റർടൈൻമെന്റ് ബാനറിൽ ബിജു തയ്യിൽച്ചിറയാണ് ചിത്രം കാനഡയിൽ പ്രദർശനത്തിനെത്തിക്കുന്നത്.

സിബിഐ സീരിസിലെ ഏറ്റവും മികച്ചതും, വ്യത്യസ്തവും, അതേസമയം തിരകഥയുടെ മൂല്യം ഒട്ടും തന്നെ ചോർന്നു പോകാത്ത തരത്തിലാണ് അണിയറ പ്രവർത്തകർ സേതുരാമയ്യരെ പ്രേക്ഷർക്ക് മുൻപിൽ അവതരിപ്പിച്ചിരിക്കുന്നത്. ഇതിൽ അണിയറ പ്രവർത്തകർ വിജയിച്ചു എന്നുവേണം പറയാൻ. നീണ്ട ഇടവേളയ്ക്ക് ശേഷം ജഗതി ശ്രീകുമാർ സ്‌ക്രീനിലെത്തുന്ന ചിത്രമെന്ന പ്രത്യേകതയും, കൂടാതെ ജഗതിയുടെ കിടിലൻ പെർഫോമെൻസും പ്രേക്ഷകരുടെ ശ്രദ്ധ നേടുന്ന മറ്റൊരു കാര്യം. സസ്പെൻസും ട്വിസ്റ്റും മാറി മറിയുന്ന അവസാന മിനിറ്റുകൾ പ്രേക്ഷകനെ മുൾമുനയിൽ നിർത്തുന്നു എന്നതാണ് ചിത്രത്തിന്റെ പ്രധാന ആകർഷണം..

എസ്.എൻ. സ്വാമിയുടെ തിരക്കഥയിൽ കെ. മധു തന്നെയാണ് അഞ്ചാംവട്ടവും സേതുരാമയ്യരെ പ്രേക്ഷകരിലേക്കെത്തിച്ചിരിക്കുന്നത്. സ്വർഗചിത്ര അപ്പച്ചനാണ് സിനിമയുടെ നിർമാണം. മുകേഷ്, സായ്‍കുമാർ തുടങ്ങിയവരും സിബിഐ – 5 ൽ പ്രധാന വേഷത്തിലെത്തുന്നു. രൺജി പണിക്കർ, സൗബിൻ ഷാഹിർ, അനൂപ് മേനോൻ, ദിലീഷ് പോത്തൻ, രമേശ് പിഷാരടി, പ്രതാപ് പോത്തൻ, സന്തോഷ് കീഴാറ്റൂർ, അസീസ് നെടുമങ്ങാട്, ഹരീഷ് രാജു, ഇടവേള ബാബു, ആശാ ശരത്ത്, കനിഹ, മാളവിക മേനോൻ, അൻസിബ, മാളവിക നായർ, മായാ വിശ്വനാഥ്, സുദേവ് നായർ, പ്രശാന്ത് അലക്സാണ്ടർ, രമേശ് കോട്ടയം, ജയകൃഷ്ണൻ, സ്വാസിക, സുരേഷ് കുമാർ, ചന്തു കരമന, സ്മിനു ആർട്ടിസ്റ്റ്, സോഫി എം.ജോ., തണ്ടൂർ കൃഷ്ണ തുടങ്ങി വലിയൊരു താരനിര തന്നെ ചിത്രത്തിൽ അണിനിരക്കുന്നു.

‘സി.ബി.ഐ 5: ദി ബ്രെയ്ൻ’ സിനിമയുടെ ടിക്കറ്റുകൾ ബുക്ക് ചെയ്യാൻ താഴെയുള്ള ലിങ്ക് സന്ദർശിക്കുക
www.newwoodsidecinemas.com, www.landmarkcinemas.com, www.ticketspi.com, www.capitol6.ca, www.thekfs.ca, www.centralparkwaycinema.com