കാനഡയിൽ ഗോൾഡ് തിളങ്ങിയോ റിവ്യൂ

https://chat.whatsapp.com/FDyHrouQqfAC7xTtsrkFWp

ഏറെ പ്രതീക്ഷയോടെ കാനഡയിലെ തിയറ്ററിൽ എത്തിയ പൃഥ്വിരാജ് ചിത്രമാണ് ‘ഗോൾഡ്’. പലതവണ റിലീസ് മാറ്റിവെച്ച ചിത്രമായ ഗോൾഡ് ഒടുവിൽ തിയേറ്ററുകളിലേക്ക് എത്തിയിരിക്കുകയാണ്. പ്രേമം പുറത്തിറങ്ങി 7 വർഷങ്ങൾക്കു ശേഷം അൽഫോൻസ് പുത്രൻ സംവിധാനം ചെയ്യുന്ന ചിത്രമാണിത്. ടു കേരള എന്റർടൈൻമെന്റ് ബാനറിൽ ബിജു തയ്യിൽച്ചിറയാണ് ചിത്രം കാനഡയിൽ പ്രദർശനത്തിനെത്തിച്ചത്.

അൽഫോൺസ് പുത്രന്റെ മുൻകാല ചിത്രങ്ങളുടെ പ്രതീക്ഷ ഭാരമില്ലാതെ, വളരെ ലളിതമായി പ്രേക്ഷകന് ആസ്വദിച്ച് കാണാവുന്ന കോമഡി-ഫാമിലി എന്റർടെയ്നറാണ് ‘ഗോൾഡ്’. രസകരമായ നർമത്തിലൂടെയും പ്രേക്ഷകന് ആകാംഷ നൽകുന്ന പല സംഭവവികാസങ്ങളിൽകൂടിയാണ് ആദ്യപകുതി അവസാനിക്കുന്നത്. വലിയ പുതുമകൾ ഒന്നുമില്ലാതെ ആസ്വദിക്കാവുന്ന ചിത്രത്തിൽ നിരവധി കഥാപാത്രങ്ങൾ വന്നുപോകുന്നുണ്ടെങ്കിലും സിനിമയിൽ നിറഞ്ഞുനിൽക്കുന്നത് പൃഥ്വിരാജ് തന്നെയാണ്. ഇതുവരെ ചെയ്തതിൽ വളരെ വ്യത്യസ്തവും രസകരമായ കഥാപാത്രമായിരുന്നു പൃഥ്വിരാജ് അവതരിപ്പിച്ച ജോഷി. പൊലീസ് ഉദ്യോഗസ്ഥനായി എത്തുന്ന ബാബുരാജ്, ഐഡിയ ഷാജിയായെത്തുന്ന ലാലു അലക്സ്, ഉണ്ണികൃഷ്ണനായെത്തുന്ന ഷമ്മി തിലകൻ എന്നിവർക്കാണ് ചിത്രത്തിൽ കൂടുതൽ സ്ക്രീൻ സ്പെയ്സ് ഉള്ളത്. ലാലു അലക്സ്–ഷമ്മി തിലകൻ കോംബോ കോമഡികൾ കൊണ്ടും കൗണ്ടെറുകൾ കൊണ്ട് പ്രേക്ഷകന് ചിരിവിരുന്നാണ് സമ്മാനിച്ചത്. അമ്മയും മകനുമായെത്തിയ മല്ലിക സുകുമാരൻ–പൃഥ്വി കോംബോയും വളരെ രസകരമായി. സുമംഗലി ഉണ്ണികൃഷ്ണനെന്ന കഥാപാത്രമായി നയൻതാരയും ചിത്രത്തിൽ നിറഞ്ഞു നിൽക്കുന്നു.

അജ്മൽ അമീർ, കൃഷ്ണ ശങ്കർ, ശബരീഷ് വർമ, വിനയ് ഫോർട്ട്, റോഷൻ മാത്യു, മല്ലിക സുകുമാരൻ, ലാലു അലക്സ്, ജഗദീഷ്, സൈജു കുറുപ്പ്, സുരേഷ് കൃഷ്ണ, ശാന്തി കൃഷ്ണ, പ്രേം കുമാർ തുടങ്ങിയവരാണ് ചിത്രത്തിൽ മറ്റ് കഥാപാത്രങ്ങളെ അവതരിപ്പിക്കുന്നത്. അൽഫോൺസ് പുത്രനാണ് ചിത്രത്തിന്റെ രചന നിർവഹിച്ചിരിക്കുന്നത്. മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫനും പൃഥ്വിരാജ് പ്രൊഡക്ഷൻസിന്റെ ബാനറിൽ സുപ്രിയ മേനോനും ചേർന്നാണ് നിർമാണം. രാജേഷ് മുരുഗേശനാണ് ചിത്രത്തിന്റെ സംഗീത സംവിധാനം നിർവഹിച്ചിരിക്കുന്നത്.

ടിക്കറ്റുകൾ ബുക്ക് ചെയ്യാൻ
*YORK CINEMAS RICHMOUND HILL
https://yorkcinemas.ca/mobile/
*CENTRAL PARKWAY MISSISSAUGA
https://centralparkwaycinema.com/mobile/
*WOODSIDE CINEMAS
https://newwoodsidecinemas.com/mobile/
*ALBION CINEMAS
https://albioncinema.ca/mobile/
LONDON/ WINDSOR/ SUDBURY
https://imaginecinemas.com/
OTTAWA
https://ticketspi.com/
http://www.2keralacanada.com Email: [email protected]