സിദ്ധാർഥ് ഭരതന്റെ 'ചതുരം' നവംബർ 4 ന് കാനഡയിൽ റിലീസ് ചെയ്യും - Malayale.ca

സിദ്ധാർഥ് ഭരതന്റെ ‘ചതുരം’ നവംബർ 4 ന് കാനഡയിൽ റിലീസ് ചെയ്യും

https://chat.whatsapp.com/FDyHrouQqfAC7xTtsrkFWp

റോഷൻ മാത്യു, സ്വാസിക വിജയ് എന്നിവരെ പ്രധാന കഥാപാത്രങ്ങളാക്കി സിദ്ധാർഥ്‌ ഭരതന്റെ സംവിധാനത്തിലെത്തുന്ന ‘ചതുരം’ നവംബർ 4 ന് കാനഡയിൽ റിലീസ് ചെയ്യും. ടു കേരള എന്റർടൈൻമെന്റ് ബാനറിൽ ബിജു തയ്യിൽച്ചിറയാണ് കാനഡയിൽ ‘ചതുരം’ പ്രദർശനത്തിനെത്തിച്ചിരിക്കുന്നത്.

പ്രേക്ഷകർ ഏറെ പ്രതീക്ഷയോടെ കാത്തിരിക്കുന്ന ചിത്രങ്ങളിൽ ഒന്നാണ് ചതുരം. ചിത്രത്തിൻറെ ടീസറും പോസ്റ്ററും ഒക്കെ സാമൂഹിക മാധ്യമങ്ങളിൽ ഏറെ ശ്രദ്ധ നേടിയിരുന്നു. സ്വാസിക–റോഷൻ പ്രണയരംഗങ്ങളാണ് ടീസറിന്റെ പ്രധാന ആകർഷണം. നിദ്ര, ചന്ദ്രേട്ടൻ എവിടെയാ, വർണ്യത്തിൽ ആശങ്ക എന്നീ ചിത്രങ്ങൾക്കു ശേഷം സിദ്ധാർഥ് ഭരതൻ സംവിധാനം ചെയ്യുന്ന ചിത്രമാണിത്. സിദ്ധാർഥ് ഭരതനും വിനോയി തോമസും ചേർന്നാണ് സിനിമയ്ക്ക് കഥയും തിരക്കഥയും ഒരുക്കിയിരിക്കുന്നത്.

സ്വാസികയും റോഷൻ മാത്യുവും ആണ് ചിത്രത്തിൽ കേന്ദ്ര കഥാപാത്രങ്ങളായി എത്തുന്നത്. അലൻസിയർ ലെ ലോപസ്, ശാന്തി ബാലചന്ദ്രൻ, നിഷാന്ത് സാഗർ, ലിയോണ ലിഷോയ്, ഗീതി സംഗീത, കിച്ചു ടെല്ലസ്, ജിലു ജോസഫ് എന്നിവരാണ് സിനിമയിലെ പ്രധാന കഥാപാത്രങ്ങളെ അവതരിപ്പിക്കുന്നത്. ഗ്രീൻവിച്ച് എന്റർടേയ്ൻമെന്റ്സിന്റെയും യെല്ലോ ബേർഡ് പ്രൊഡക്ഷന്റെയും ബാനറിൽ വിനിതാ അജിത്തും ജോർജ് സാന്തിയാഗോയും ചേർന്നാണ് ചിത്രം നിർമിക്കുന്നത്. പ്രശാന്ത് പിള്ളയാണ് സിനിമയ്ക്ക് സംഗീതം നൽകിയിരിക്കുന്നത്.