ഫുട്ബോളിന്റെ ആവേശം ഇനി തീയേറ്ററിലേക്ക്, 'ആനപ്പറമ്പിലെ വേൾഡ് കപ്പ്' നവംബർ 11-ന് റിലീസ് ചെയ്യും - Malayale.ca

ഫുട്ബോളിന്റെ ആവേശം ഇനി തീയേറ്ററിലേക്ക്, ‘ആനപ്പറമ്പിലെ വേൾഡ് കപ്പ്’ നവംബർ 11-ന് റിലീസ് ചെയ്യും

https://chat.whatsapp.com/FDyHrouQqfAC7xTtsrkFWp

അജഗജാന്തരത്തിനു ശേഷം ആന്റണി വർഗീസ് പെപ്പെ കേന്ദ്ര കഥാപാത്രമായി എത്തുന്ന ചിത്രം ആനപ്പറമ്പിലെ വേൾഡ് കപ്പ് നവംബർ 11 ന് കാനഡയിൽ റിലീസ് ചെയ്യും. പ്രേക്ഷകർ ഏറെ പ്രതീക്ഷയോടെ കാത്തിരിക്കുന്ന പെപ്പെയുടെ ചിത്രമാണ് ‘ആനപറമ്പിലെ വേൾഡ് കപ്പ്’. ടു കേരള എന്റർടൈൻമെന്റ് ബാനറിൽ ബിജു തയ്യിൽച്ചിറയാണ് ചിത്രം കാനഡയിൽ പ്രദർശനത്തിനെത്തിക്കുന്നത്.

ഫുട്ബോൾ പ്രധാന പ്രമേയമായി വരുന്ന ചിത്രത്തിൽ ഇന്ത്യൻ ഇതിഹാസം ഐ.എം വിജയനും പ്രധാനവേഷത്തിൽ എത്തുന്നുണ്ട്. അച്ചാപ്പു മൂവി മാജിക്കന്റെയും മാസ് മീഡിയ പ്രൊഡക്ഷന്റെയും ബാനറിൽ സ്റ്റാൻലി സിഎസും ഫൈസൽ ലത്തീഫും ചേർന്നാണ് ചിത്രം നിർമിച്ചിരിക്കുന്നത്. ഫുട്ബോൾ പശ്ചാത്തലത്തിൽ നവാഗതനായ നിഖിൽ പ്രംരാജ് സംവിധാനം ചെയ്യുന്ന ചിത്രം ഒരു ഫീൽ ഗുഡ് എൻറർടെയ്‍നർ ആയിരിക്കും. ചിത്രത്തിന്റെ തിരക്കഥ ഒരുക്കിയിരിക്കുന്നത് നിഖിൽ പ്രംരാജ് തന്നെയാണ്.

ഫുട്ബോളിനെ സ്നേഹിക്കുന്ന ഉത്തരകേരളത്തിലെ ആനപ്പറമ്പിൽ എന്ന സാങ്കല്പിക ഗ്രാമത്തിലാണ് ചിത്രം ഒരുക്കിയിരിക്കുന്നത്. ഫുട്ബോൾ ഒരുപാട് ഇഷ്ടപ്പെടുന്ന ഒരു കുട്ടിയുടെ ജീവിതത്തിലേക്ക് ഒരു അപ്രതീക്ഷിത അതിഥി കടന്നു വരുന്നതും, തുടർന്നുണ്ടാകുന്ന സംഭവങ്ങളുമാണ് ചിത്രത്തിൻറെ പ്രമേയം.

ആന്റണി വർഗീസ്, ഐഎം വിജയൻ എന്നിവരെ കൂടാതെ ടി ജി രവി, ബാലു വർഗീസ്, ആദിൽ ഇബ്രാഹിം, നിഷാന്ത് സാഗർ, ലുക്മാൻ, ജോപോൾ അഞ്ചേരി, കമന്റേറ്റർ ഷൈജു ദാമോദരൻ, അർച്ചന വാസുദേവ്, ജെയ്‍സ് ജോസ്, ആസിഫ് സഹീർ, ദിനേശ് മോഹൻ, ഡാനിഷ് എന്നിവരും പ്രധാന കഥാപാത്രങ്ങളായി ചിത്രത്തിൽ എത്തുന്നുണ്ട്.