എങ്ങും മികച്ച പ്രതികരണം, പ്രേക്ഷകരുടെ മനസ്സ് നിറച്ച് 18 പ്ലസ് : റിവ്യൂ

https://chat.whatsapp.com/Ce7fzWxvzxu0N79CcsLpj4

നസ്‌ലിൻ ഗഫൂർ, മാത്യു തോമസ്, നിഖില വിമൽ എന്നിവർ പ്രധാന കഥാപാത്രങ്ങളായെത്തുന്ന റൊമാന്റിക് കോമഡി എന്റര്‍ടെയ്നർ 18 പ്ലസ് കാനഡയിൽ നിറഞ്ഞ സദസിൽ പ്രദർശനം തുടരുന്നു. ചിത്രത്തിന് മികച്ച പ്രതികരണങ്ങളാണ് കാനഡയിൽ ലഭിച്ചു കൊണ്ടിരിക്കുന്നത്. ടൂ കേരള എന്റർടൈൻമെന്റ് ബാനറിൽ ബിജു തയ്യിൽച്ചിറയാണ് ചിത്രം കാനഡയിൽ പ്രദർശനത്തിനെത്തിച്ചിരിക്കുന്നത്.

2009 കാലഘട്ടം പശ്ചാത്തലമായ റൊമാന്റിക് കോമഡി എന്റര്‍ടെയ്നറാണ് 18 പ്ലസ്. കൗമാരക്കാരുടെ പ്രണയവും ഒളിച്ചോട്ടവുമാണ് ചിത്രത്തിൽ പറയുന്നത്. കോമഡി പശ്ചാത്തലമാക്കിയാണ് ചിത്രം ഒരുക്കുന്നത്. 2023ലെ ന്യൂജെൻ മുഖങ്ങളെക്കൊണ്ട് 2009 ലെ പ്രണയകഥ പറയുമ്പോഴുള്ള കൗതുകമാണ് ചിത്രത്തിന്റെ പ്ലസ്‌പോയിന്റ്. മുന്നോട്ടുപോകുംതോറും മുറുകുന്ന കഥാഗതിയിലും ചിരിക്കാനുള്ള നിരവധി നർമ മുഹൂർത്തങ്ങൾ ചിത്രത്തിലുണ്ട്.

മീനാക്ഷി ദിനേശാണ് ചിത്രത്തിലെ നായിക. സോഷ്യൽമീഡിയയിലൂടെ ശ്രദ്ധേയരായ സാഫ് സഹോദരങ്ങൾ നസ്‍ലെന്റെ സുഹൃത്തുക്കളായി എത്തുന്നു. മാത്യു തോമസും ചിത്രത്തിൽ അഭിനയിക്കുന്നുണ്ട്. ബിനു പപ്പു, മാത്യു തോമസ്, രാജേഷ് മാധവൻ, നിഖില വിമൽ, മനോജ് കെ യു., ശ്യാം മോഹൻ, കുമാർ സുനിൽ, ബാബു അന്നൂർ തുടങ്ങിയവരാണ് മറ്റു പ്രധാന താരങ്ങൾ.

അരുണ്‍ ഡി ജോസ് സംവിധാനം ചെയ്യുന്ന രണ്ടാമത്തെ ചിത്രമാണ് 18 പ്ലസ്. ഫലൂദ എന്റര്‍ടെയ്ന്‍മെന്റ്, റീൽസ് മാജിക്ക് എന്നീ ബാനറിൽ അനുമോദ് ബോസ്, മനോജ് മേനോൻ, ഡോക്ടർ ജിനി കെ. ഗോപിനാഥ്, ജി. പ്രജിത് എന്നിവർ ചേർന്നാണ് ചിത്രം നിർമിക്കുന്നത്. എഡിജെ, രവീഷ് നാഥ് എന്നിവർ ചേർന്ന് തിരക്കഥയും സംഭാഷണവുമെഴുതുന്നു. ഛായാഗ്രഹണം സതീഷ് കുറുപ്പ്. ക്രിസ്റ്റോ സേവ്യർ സംഗീത സംവിധാനം നിർവഹിച്ചിരിക്കുന്നു.