കാനഡയിൽ ഏകദേശം 2 ദശലക്ഷം ഇമിഗ്രേഷൻ അപേക്ഷകൾ ബാക്ക്ലോഗ് ഉണ്ടെന്ന് റിപ്പോർട്ട്.

https://chat.whatsapp.com/EQzv7qMaaimHxuMaS46mu6

ഇമിഗ്രേഷൻ കാനഡയുടെ പ്രോസസ്സിംഗ് ഇൻവെന്ററി ബാക്ക്ലോഗ് ഇപ്പോൾ 2 ദശലക്ഷത്തിലധികം ആയതായി റിപ്പോർട്ടുകൾ. താത്കാലിക, സ്ഥിരതാമസ ബാക്ക്ലോഗ് അപേക്ഷകൾ വർദ്ധിച്ചുവെന്നും, പൗരത്വ ബാക്ക്‌ലോഗ് 400,000 ആയി കുറഞ്ഞുവെന്നും ഐർസിസി പുറത്തുവിട്ട കണക്കുകൾ സൂചിപ്പിക്കുന്നു.

കാനഡ-ഉക്രെയ്ൻ ഓതറൈസേഷൻ ഫോർ എമർജൻസി ട്രാവൽ (CUAET) നിലവിൽ വന്നതോടെ താൽക്കാലിക റസിഡന്റ് വിസകൾക്കും വർക്ക് പെർമിറ്റുകൾക്കുമുള്ള ഇൻവെന്ററി അടുത്തിടെ ഗണ്യമായി വർദ്ധിച്ചതായി ഐർസിസി മാധ്യമ വക്താവ് പറഞ്ഞു. നിലവിലുള്ള താൽക്കാലിക റസിഡന്റ് വിസ പ്രക്രിയകൾ വഴി ഉക്രെയ്ൻ ജനതയെ കാനഡയിലേക്ക് കൊണ്ടുവരാൻ ഈ പ്രോഗ്രാം അനുവദിക്കുന്നതിനാലാണ് ഈ വർദ്ധനവ് ഉണ്ടായത്. ഏപ്രിൽ 29 വരെ, ഐആർസിസിക്ക് 180,903 CUAET അപേക്ഷകൾ ലഭിച്ചിട്ടുണ്ട്. ഏപ്രിൽ 11-വരെയുള്ള കണക്കനുസരിച്ച്, സ്ഥിരതാമസ ഇൻവെന്ററി ഏകദേശം 530,000 ആയി ഉയർന്നു, മാർച്ചിൽ ഇത് 519,000 ആയിരുന്നു. ഓരോ സ്ഥിരതാമസ വിഭാഗത്തിലും നേരിയ വർദ്ധനവ് അനുഭവപ്പെട്ടിട്ടുണ്ട്. എന്നാൽ എക്സ്പ്രസ് എൻട്രി ബാക്ക്ലോഗിൽ കുറവുണ്ടായി.

അന്താരാഷ്ട്ര യാത്രാ നിയന്ത്രണങ്ങൾ, അതിർത്തി നിയന്ത്രണങ്ങൾ, വിദേശത്തെ പരിമിതമായ പ്രവർത്തന ശേഷി, കോവിഡ് -19 ന്റെ ഫലങ്ങൾ എന്നിവ കാരണം ഡോക്യുമെന്റേഷൻ പ്രോസസ്സിംഗ്ന് തടസ്സങ്ങൾ സൃഷ്ടിച്ചു. എന്നാൽ പാൻഡെമിക് സമയത്ത് പ്രോസസ്സ് ചെയ്ത ആപ്ലിക്കേഷനുകളുടെ എണ്ണത്തെക്കുറിച്ചുള്ള ഡാറ്റയും ഐർസിസി പുറത്തുവിട്ടിരുന്നു.

പാൻഡെമിക് മൂലമുണ്ടായ പ്രോസസ്സിംഗ് സമയം കുറച്ച് സാധാരണ നിലയിലാകാൻ ഫെഡറൽ ഗവൺമെന്റ് ഐർസിസി ക്കായി 85 മില്യൺ ഡോളർ നീക്കിയിരിപ്പ് നടത്തിയിരുന്നു. പുതിയ പ്രോസസ്സിംഗ് സ്റ്റാഫിനെ നിയമിക്കുക, അപേക്ഷകൾ ഡിജിറ്റൈസ് ചെയ്യുക, ലോകമെമ്പാടുമുള്ള ഐആർസിസി ഓഫീസുകൾ പുനരാരംഭിക്കുക എന്നിങ്ങനെയുള്ള പ്രവർത്തനങ്ങളെ അടിസ്ഥാനമാക്കിയാണ് ഫെഡറൽ ഗവൺമെന്റ് തുക അനുവദിച്ചത്.

About The Author