വ്യാജ ‘അഡ്‌മിഷൻ ഓഫർ ലെറ്ററുകൾ’ : 700 ഓളം ഇന്ത്യൻ വിദ്യാർത്ഥികളെ നാടുകടത്താൻ കനേഡിയൻ സർക്കാർ ഒരുങ്ങുന്നു

https://chat.whatsapp.com/FDyHrouQqfAC7xTtsrkFWp

പഞ്ചാബിലെ ജലന്ധർ ആസ്ഥാനമായുള്ള ഒരു ഏജന്റ് കബളിപ്പിച്ച 700 ഓളം ഇന്ത്യൻ വിദ്യാർത്ഥികളെ നാടുകടത്താൻ കനേഡിയൻ സർക്കാർ ഒരുങ്ങുന്നു. വിദ്യാഭ്യാസ സ്ഥാപനങ്ങൾക്ക് നൽകിയ ‘അഡ്‌മിഷൻ ഓഫർ ലെറ്ററുകൾ’ വ്യാജമാണെന്ന് കണ്ടെത്തിയതിനെ തുടർന്നാണ് ഇന്ത്യൻ വിദ്യാർത്ഥികൾ കാനഡയിൽ നിന്ന് നാടുകടത്തൽ നേരിടുന്നത്. കനേഡിയൻ ബോർഡർ സെക്യൂരിറ്റി ഏജൻസിയിൽ നിന്ന് (സിബിഎസ്എ) അടുത്തിടെയാണ് ഇവർക്ക് നാട്ടിലേക്ക് തിരിച്ചുപോകുന്നതിനുള്ള കത്തുകൾ ലഭിച്ചത്.

ഈ വിദ്യാർത്ഥികൾ 2018-19 വർഷത്തിൽ പഠന അടിസ്ഥാനത്തിൽ കാനഡയിലേക്ക് പോയിരുന്നു. വിദ്യാർത്ഥികൾ കാനഡയിൽ സ്ഥിരതാമസത്തിന് (പിആർ) അപേക്ഷിച്ചപ്പോഴാണ് ‘അഡ്മിഷൻ ഓഫർ ലെറ്ററുകൾ’ സൂക്ഷ്മപരിശോധനയ്ക്ക് വിധേയമായത്, അതായത്, വിദ്യാർത്ഥികൾക്ക് വിസ നൽകിയതിന്റെ രേഖകൾ സിബിഎസ്എ പരിശോധിക്കുകയും ‘അഡ്മിഷൻ ഓഫർ ലെറ്ററുകൾ’ വ്യാജമാണെന്ന് കണ്ടെത്തുകയും ചെയ്തു.

ഈ വിദ്യാർത്ഥികളിൽ ഭൂരിഭാഗവും ഇതിനകം പഠനം പൂർത്തിയാക്കുകയും വർക്ക് പെർമിറ്റ്, വർക്ക് എക്സ്പീരിയൻസ് നേടുകയും ചെയ്തിട്ടുണ്ട്. പിആർ അപേക്ഷിച്ചപ്പോഴാണ് തട്ടിപ്പിന് ഇരയായതായി മനസ്സലാകുന്നത്. തുടർന്ന് വിദ്യാർഥികൾ ജലന്ധറിലെ ഓഫീസുമായി ബന്ധപ്പെട്ടെങ്കിലും പൂട്ടിയിട്ട നിലയിലാണ്. ഏജന്റ് ഇപ്പോൾ ഒളിവിലാണ്.

About The Author