കാനഡയിലെ പ്രേക്ഷക ഹൃദയങ്ങളിലേക്ക് പ്രണവിന്റെ ‘ഹൃദയം’ എത്തുന്നു; ജനുവരി 21-ന് ചിത്രം റിലീസ് ചെയ്യും

https://chat.whatsapp.com/JAhWwGm5OuJC1YQunRhk80

മലയാള സിനിമാപ്രേമികൾ ഏറെ ആകാംക്ഷയോടെ കാത്തിരിക്കുന്ന പ്രണവ് മോഹൻലാൽ ചിത്രം ‘ഹൃദയം’ കാനഡയിൽ ജനുവരി ഇരുപത്തൊന്നാം തിയതി ടൂ കേരള എന്റർടൈൻമെന്റിന്റെ ബാനറിൽ റിലീസിനെത്തുന്നു. മലയാളി പ്രേക്ഷകർ ഏവരും ഒരുപാട് ആകാംക്ഷയോടെ കാത്തിരിക്കുന്ന ചിത്രമാണ് ഹൃദയം. മോഹൻലാൽ ആണ് സിനിമയുടെ റിലീസ് തീയതി ഔദ്യോഗികമായി പ്രഖ്യാപിച്ചത്. ‘ഇരുപത്തിയൊന്നാം നൂറ്റാണ്ടി’നു ശേഷം പ്രണവ് മോഹൻലാൽ നായകനാവുന്ന സിനിമകൂടിയാണ് ഹൃദയം.

ടൂ കേരള എന്റർടൈൻമെന്റിന്റെ ബാനറിൽ ബിജു തയ്യൽചിറയാണ് കാനഡയിൽ ചിത്രം പ്രദർശനത്തിനെത്തിക്കുന്നത്. മ്യാവു, മരക്കാർ, കാവൽ, വൺ, മാമാങ്കം തുടങ്ങി ഹിറ്റ് സിനിമകളും കാനഡയിൽ പ്രദര്ശനത്തിനെത്തിച്ചത് ടൂ കേരള എന്റർടൈൻമെന്റിന്റെ ബാനറിൽ ബിജു തയ്യൽചിറയാണ്. ഹൃദയം സിനിമയുടെ തിരക്കഥയും, സംവിധാനവും വിനീത് ശ്രീനിവാസൻ ആണ് നിർവഹിച്ചിരിക്കുന്നത്. കല്യാണി പ്രിയദർശനും ദർശന രാജേന്ദ്രനുമാണ് ചിത്രത്തിലെ നായികമാർ. മെറിലാന്റ് സിനിമാസ് ബാനറിൽ – വിശാഖ് സുബ്രമണ്യം നിർമ്മിക്കുന്ന ചിത്രത്തിന്റെ ഛായാഗ്രഹണം വിശ്വജിത്ത് ഒടുക്കത്തിൽ നിർവ്വഹിക്കുന്നു.

അജു വർഗ്ഗീസ്, അരുൺ കുര്യൻ, വിജയരാഘവൻ തുടങ്ങിയവരാണ് ചിത്രത്തിലെ മറ്റു താരങ്ങൾ. നേരത്തെ പുറത്തിറങ്ങിയ ചിത്രത്തിലെ ‘ദർശന’ സോംഗ് ഇതിനോടകം തന്നെ പ്രേക്ഷകരുടെ പ്രിയപ്പെട്ട ഗാനമാണ്. ഹിഷാം അബ്ദുൾ വഹാബ് ഈണം നൽകിയ ‘ദർശന’ എന്ന ഗാനം ഇപ്പോഴും യൂട്യൂബിൽ ട്രെൻഡിങ്ങിൽ തുടരുകയാണ്. സംഗീതത്തിന് ഏറെ പ്രാധാന്യം നൽകി വിനീത് ശ്രീനിവാസൻ ഒരുക്കുന്ന ചിത്രത്തിൽ 15 പാട്ടുകളാണുള്ളത്. സിനിമയിലെ ഗാനങ്ങൾ ഇതിനകം സോഷ്യൽ മീഡിയയിലുൾപ്പെടെ വൈറലുമാണ്. ടിക്കറ്റുകൾ ബുക്ക് ചെയ്യുവാനും, കാനഡയിലെ തിയേറ്റർ റിലീസുകളുടെ വിവരങ്ങളും ചുവടെ ചേർക്കുന്നു.

About The Author