ഒന്റാറിയോയിൽ വ്യാജ നാണയങ്ങൾ പിടിച്ചെടുത്തു; ഒരാൾ അറസ്റ്റിൽ

https://chat.whatsapp.com/EQzv7qMaaimHxuMaS46mu6

കാനഡയിലേക്ക് ആയിരക്കണക്കിന് വ്യാജ നാണയങ്ങൾ കൊണ്ടുവന്നതിന് ഒന്റാറിയോ സ്വദേശിക്കെതിരെ റോയൽ കനേഡിയൻ മൗണ്ട് പോലീസ് കേസ് രെജിസ്റ്റർ ചെയ്തു. കേസുമായി ബന്ധപ്പെട്ട് 68 കാരനായ ഡെയ്‌സിയോങ് ഹെയെ അറസ്റ്റ് ചെയ്തതായി ആർസിഎംപി വാർത്താക്കുറിപ്പിൽ അറിയിച്ചു. ക്രിമിനൽ കോഡിലെ സെക്ഷൻ 452, 450 തുടങ്ങിയവയാണ് പ്രതിക്കെതിരെ ചുമത്തിയിരിക്കുന്നത്.

കഴിഞ്ഞ വർഷം “വ്യാജ കറൻസി പ്രശ്നം” ആർസിഎംപിയുടെ, ശ്രദ്ധയിൽപ്പെട്ടിരുന്നു. ആർസിഎംപിയുടെ ഗ്രേറ്റർ ടൊറന്റോ ഏരിയ ട്രാൻസ്-നാഷണൽ സീരിയസ് & ഓർഗനൈസ്ഡ് ക്രൈം വിഭാഗം ഇതിൽ ഉൾപ്പെട്ടവരെ തിരിച്ചറിയാൻ അന്വേഷണം വ്യാപിപ്പിച്ചിരുന്നു. അന്വേഷണത്തെത്തുടർന്ന്, കനേഡിയൻ ബാങ്കിംഗ് സംവിധാനത്തിലേക്ക് കടന്ന പതിനായിരത്തോളം വ്യാജ നാണയങ്ങൾ പിടിച്ചെടുത്തു. പിടിച്ചെടുത്ത രണ്ട് ഡോളറിന്റെ വ്യാജ നാണയങ്ങൾ ധ്രുവക്കരടിയുടെ വലത് മുൻ കൈയിൽ നഖം പോലെയുള്ള “പിളർന്ന കാൽവിരൽ” ഉള്ളതിന്റെ പ്രാഥമിക സ്വഭാവത്തിലെ പിഴവ് കൊണ്ട് വേർതിരിച്ചറിയാൻ കഴിയുമെന്ന് പോലീസ് പറഞ്ഞു.

കറൻസി സംവിധാനത്തിൽ അധിക കള്ളനാണയങ്ങൾ ഉണ്ടെന്നും ചൈനയിൽ നിന്നാണ് നാണയങ്ങൾ ഉത്ഭവിച്ചതെന്നും സംശയിക്കുന്നുവെന്ന്, ആർസിഎംപി പ്രസ്താവനയിൽ പറഞ്ഞു. കറൻസി സംവിധാനത്തിൽ ഇനിയും കള്ളനാണയങ്ങൾ ഉണ്ടായേക്കാമെന്നാണ് പോലീസ് പറയുന്നത്.

“കാനഡയുടെ സർക്കുലേഷൻ നാണയങ്ങളിലെ സവിശേഷതകൾ അവയെ ലോകത്തിലെ ഏറ്റവും സുരക്ഷിതമാക്കുകയും ഈ വ്യാജ കറൻസികൾ തിരിച്ചറിയാനും, വേഗത്തിൽ പ്രചാരത്തിൽ നിന്ന് നീക്കം ചെയ്യാനും സാധിക്കുമെന്ന്” റോയൽ കനേഡിയൻ മിന്റ് കോർപ്പറേറ്റ് സെക്യൂരിറ്റി വൈസ് പ്രസിഡന്റ് ജെയിംസ് മലീസിയ പറഞ്ഞു. കാനഡയുടെ നാണയ വിതരണത്തിന്റെ സമഗ്രത ഉറപ്പാക്കാൻ റോയൽ കനേഡിയൻ മിന്റ് ധനകാര്യ സ്ഥാപനങ്ങളുമായും ആർ‌സി‌എം‌പിയുമായും ചേർന്ന് പ്രവർത്തിക്കുന്നത് തുടരും. കാനേഡിയൻ വിപണിയിലേക്ക് കൂടുതൽ വ്യാജ കറൻസികൾ വന്നിട്ടുണ്ടോയെന്ന് പരിശോധിക്കുന്നതിനായി കൂടുതൽ നടപടികൾ ആരംഭിച്ചതായി ആർസിഎംപി അറിയിച്ചു.