മിസ്സിസാഗയിലും ബ്രാംപ്ടണിലും ഒരു മാസത്തിനിടെ 400 ഓളം വാഹനങ്ങൾ മോഷണം പോയി 30 ഓളം വീടുകൾക്ക് നേരെ അക്രമണങ്ങൾ ഉണ്ടായി; ജാഗ്രത പാലിക്കണമെന്ന് പൊതുജനങ്ങൾക്ക് മുന്നറിയിപ്പ് നൽകി പോലീസ്

പീൽ റീജിയണൽ പോലീസ് രേഖപ്പെടുത്തിയ ക്രൈം മാപ്പിംഗ് ഡാറ്റ അനുസരിച്ച് കഴിഞ്ഞ ഒരു മാസത്തിനിടെ 67 ബ്രേക്ക് ആൻഡ് എന്റർ സംഭവങ്ങൾ റിപ്പോർട്ട് ചെയ്യപ്പെട്ടിട്ടുണ്ട്. 67 മോഷണ സംഭവങ്ങളിൽ 27 എണ്ണം വീടുകൾ അല്ലെങ്കിൽ അപ്പാർട്ട്‌മെന്റുകൾ പോലുള്ള താമസ സ്ഥലങ്ങളിൽ സംഭവിച്ചതാണ്. ബാക്കിയുള്ള 40 സംഭവങ്ങൾ റെസ്റ്റോറന്റുകൾ, സ്റ്റോറുകൾ, ഗ്യാസ് സ്റ്റേഷനുകൾ, നിർമ്മാണ സൈറ്റുകൾ, ഫാർമസികൾ, സ്കൂളുകൾ എന്നിവിടങ്ങളിൽ നടന്നതായി റിപ്പോർട്ടിൽ പരാമർശിക്കുന്നു.

സമീപ മാസങ്ങളിൽ കാർ മോഷണം ഈ മേഖലയിൽ വർദ്ധിച്ചുവരുന്ന ആശങ്കയാണ്, എന്നാൽ ഈ പ്രവണത തടയാൻ പീൽ പോലീസ് സജീവമായി പ്രവർത്തിക്കുന്നുവെന്ന് റിപ്പോർട്ടിൽ പരാമർശിക്കുന്നുണ്ട്. ഉപയോഗിച്ച വാഹനങ്ങൾ വാങ്ങുമ്പോൾ ജാഗ്രത പാലിക്കണമെന്ന് പോലീസ് പൊതുജനങ്ങൾക്ക് മുന്നറിയിപ്പ് നൽകുന്നുണ്ട്. വാഹനത്തെക്കുറിച്ചും വിൽപ്പനക്കാരനെക്കുറിച്ചും കഴിയുന്നത്ര വിവരങ്ങൾ ശേഖരിക്കണമെന്നും ഈ വിവരങ്ങൾ ശേഖരിക്കുന്നത് വരെ പണമൊന്നും നൽകരുതെന്നും പീൽ റീജിയണൽ പോലീസ് മുന്നറിയിപ്പിൽ പറയുന്നു.