ചരിത്ര പ്രീബുക്കിങ്‌ നേട്ടവുമായി കാനഡയിൽ മരക്കാർ, 150 shows on release day

മരക്കാറുടെ പടയോട്ടത്തിന് ഇനി രണ്ട് നാൾ മാത്രം ബാക്കി നിൽക്കേ ആരാധകർക്ക് ആവേശമായി അതിർത്തികൾ കടന്നും ഫാൻസ്‌ ഷോകൾ. കാനഡയിൽ റ്റു കേരള എന്റർടൈൻമെന്റ് ബാനറിൽ ബിജു തയ്യിൽചിറയാണ് മരക്കാർ പ്രദർശനത്തിനെത്തിക്കുന്നത്. മരക്കാർ റിലീസിലൂടെ ചരിത്ര നേട്ടമാണ് റ്റു കേരള എന്റർടൈൻമെന്റ് നേടിയിരിക്കുന്നത്. കാനഡയിൽ റിലീസ് ദിനത്തിലെ ഫാൻസ്‌ ഷോകളുടെ എണ്ണത്തിലും ടിക്കറ്റ് വിൽപ്പനയിലും റെക്കോർഡ് ഇട്ടിരിക്കുകയാണ് മരക്കാർ. കാനഡയിൽ അതിഗംഭീര പ്രതികരണമാണ് റിലീസിന് മുന്നേ മരക്കാർ നേടിയിരിക്കുന്നത്.

റിലീസിന് 2 ദിവസം ശേഷിക്കെ നിലവിൽ 6000ല് അധികം ടിക്കറ്റുകളാണ് റിലീസ് ദിനത്തിൽ കാനഡയിൽ മാത്രം വിറ്റിരിക്കുന്നത്. കാനഡയിൽ ബുക്കിങ് ആരംഭിച്ച് നിമിഷനേരംകൊണ്ടുതന്നെ ആദ്യദിനങ്ങളിലെ ടിക്കറ്റ് വിറ്റ് തീർന്നിരുന്നു. മരക്കാർ അറബി കടലിന്റെ സിംഹം (Marakkar Arabikadalinte Simham) കാനഡയിൽ റെക്കോർഡ് ഫാൻ ഷോ നടത്താൻ ഒരുങ്ങുകയാണ്. റ്റു കേരള എന്റർടൈൻമെന്റ് ബാനറിൽ വൈഡ് റിലീസ് തന്നെയാണ് കാനഡയിൽ നടത്തിയിരിക്കുന്നത്. ആദ്യ ദിനം മാത്രം 150 ഷോകളാണ് നടത്തുന്നത്. ബ്രിട്ടീഷ് കൊളംബിയ പ്രവിശ്യയിലാണ് ഏറ്റവും കൂടുതൽ ഫാൻസ്‌ ഷോകൾ നടത്തുന്നത്. കാനഡയിൽ വർഷങ്ങളായി നിരവധി മോഹൻലാൽ, മമ്മൂട്ടി ചിത്രങ്ങൾ പ്രദർശനത്തിനെത്തിച്ചിരിക്കുന്ന എല്ലാവരുടെയും പ്രിയങ്കരനായ ബിജു തയ്യിൽചിറയാണ് മരക്കാർ ചിത്രവും പ്രദർശനത്തിനെത്തിക്കുന്നത്. ഇതിലൂടെ ബിജു തയ്യിൽചിറയുടെ കീഴിലുള്ള റ്റു കേരള എന്റർടൈൻമെന്റ് കാനഡയിൽ റിലീസ് ദിനത്തിൽ ഏറ്റവും കൂടുതൽ മലയാള സിനിമ ടിക്കറ്റുകൾ വിറ്റഴിച്ചിരിക്കുന്ന റെക്കോർഡുകൾ കൂടെ സ്വന്തമാക്കിയിരിക്കുകയാണ്.

മലയാളം, തമിഴ്, കന്നട, തെലുങ്ക്, ഹിന്ദി എന്നിങ്ങനെ അഞ്ച് ഭാഷകളിലായി അറുപത് രാജ്യങ്ങളിലാണ് മരക്കാർ പുറത്തിറങ്ങുന്നത്. മലയാള സിനിമാ ചരിത്രത്തിലെ ഏറ്റവും വലിയ റിലീസായാണ് മരക്കാർ എത്തുന്നത്. പ്രിയദർശന്റെ സംവിധാനമികവിലൊരുങ്ങിയ മരക്കാർ ആന്റണി പെരുമ്പാവൂരും കോൺഫിഡന്റ് ഗ്രൂപ്പും ചേർന്നാണ് പ്രൊഡ്യൂസ് ചെയ്തിരിക്കുന്നത്.

Trailer

മോഹൻലാലിനൊപ്പം പ്രണവ് മോഹൻലാൽ, അർജുൻ സർജ, സുനിൽ ഷെട്ടി, പ്രഭു, കല്യാണി പ്രിയദർശൻ, കീർത്തി സുരേഷ്, മഞ്ജു വാര്യർ, നെടുമുടി വേണു, മുകേഷ്, ബാബുരാജ്, സുഹാസിനി, ഹരീഷ് പേരാടി, ഗണേഷ് കുമാർ, സന്തോഷ് കീഴാറ്റൂർ, മാമുക്കോയ, ഇന്നസെന്റ്, മണിക്കുട്ടന്, നന്ദു, സുരേഷ് കൃഷ്ണ തുടങ്ങി ഒരു വലിയ താരനിര തന്നെ അണിനിരന്നിട്ടുള്ള ഈ ചിത്രം ഇംഗ്ലീഷിലും റിലീസ് ചെയ്യുന്നുണ്ട്.