10 ആഫ്രിക്കൻ രാജ്യങ്ങളിലേക്കുള്ള യാത്ര വിലക്ക് പിൻവലിച്ച് കാനഡ

Join for daily Canada Malayalam News

https://chat.whatsapp.com/CxfbgpDHKJq6JQLeNYUIL0

ഡിസംബർ 18 മുതൽ ആഫ്രിക്കയിലെ 10 രാജ്യങ്ങളിൽ നിന്നുള്ള അന്താരാഷ്ട്ര യാത്രയ്ക്കുള്ള വിലക്ക് നീക്കുമെന്ന് ആരോഗ്യമന്ത്രി ജീൻ-യെവ്സ് ഡൂക്ലോസ് വാർത്താസമ്മേളനത്തിൽ പറഞ്ഞു.

നവംബർ 26-ന് ഏഴ് ആഫ്രിക്കൻ രാജ്യങ്ങളിൽ നിന്നുള്ള യാത്ര നിരോധനം ഏർപ്പെടുത്തിയിരുന്നു, എന്നാൽ ദിവസങ്ങൾക്കുള്ളിൽ ദക്ഷിണാഫ്രിക്ക, മൊസാംബിക്ക്, ബോട്സ്വാന, സിംബാബ്‌വെ, ലെസോത്തോ, ഈശ്വതിനി, നമീബിയ, നൈജീരിയ, മലാവി, ഈജിപ്ത് എന്നീ രാജ്യങ്ങളിലേക്ക് കൂടി യാത്ര നിരോധനം ഏർപ്പെടുത്തുകയായിരുന്നു. തുടർന്ന് യാത്ര നിരോധനം ജനുവരി 31-ന് വരെ നീണ്ടുനിക്കുമെന്നായിരുന്നു ആദ്യ അറിയിപ്പ്.

എന്നാൽ ഈ നിരോധനത്തിനെത്തിൽ ആഫ്രിക്കൻ രാജ്യങ്ങളെ മാത്രം ഉൾപ്പെടുത്തിയതിന് ആഫ്രിക്കൻ രാഷ്ട്രീയ നേതാക്കളും ശാസ്ത്രജ്ഞരും കാനഡയെ വിമർശിച്ചിരുന്നു, 44 രാജ്യങ്ങളിൽ ഒമൈക്രോൺ വേരിയന്റ് കണ്ടെത്തിയിരുന്നുവെങ്കിലും ആഫ്രിക്കൻ രാജ്യങ്ങളെ മാത്രമാണ് നിരോധനത്തിൽ കാനഡ ഏർപ്പെടുത്തിയത്. കാനഡയുടെ നിരോധനവും പാശ്ചാത്യ രാജ്യങ്ങളിൽ നിന്നുള്ള മറ്റ് നിരോധനങ്ങളും ആഫ്രിക്കയിൽ “ട്രാവൽ വർണ്ണവിവേചനം” എന്നറിയപ്പെട്ടു. ഈ യാത്ര നിയമങ്ങൾ നിരാശാജനകമാണെന്ന് ലോകാരോഗ്യ സംഘടന ഡയറക്ടർ ജനറ ടെൻഡ്രോസ് അദാനോം ഗെബ്രിവേസസ് പറയുകയുണ്ടായി. കാനഡയിൽ നിന്നുള്ള ആരോഗ്യപ്രവർത്തകരും നിരോധനം അവസാനിപ്പിക്കണമെന്ന് ആവശ്യപ്പെട്ടിരുന്നു.

നിലവിൽ, കനേഡിയൻ നിവാസികൾക്ക് പ്രീ-അറൈവൽ കോവിഡ് -19 ടെസ്റ്റ് ആവശ്യമില്ലാതെ 72 മണിക്കൂറിനുള്ളിൽ പോകാനും തിരികെ വരാനും കഴിയും. ഡിസംബർ 21 മുതൽ കാനഡയിലേക്ക് പുതുതായി എത്തുന്ന എല്ലാവർക്കും ഒരു നെഗറ്റീവ് പ്രീ-അറൈവൽ ടെസ്റ്റ് ആവശ്യമാണ് എന്ന് ആരോഗ്യമന്ത്രി ജീൻ-യെവ്സ് അറിയിച്ചു.

About The Author