ആകാംക്ഷയുണർത്തി മോഹൻലാൽ ചിത്രമായ ‘ആറാട്ട്’; കാനഡയിൽ പ്രീമിയർ ഷോ സംഘടിപ്പിച്ച് ആരാധകർ.

https://chat.whatsapp.com/JAhWwGm5OuJC1YQunRhk80

കാനഡയിൽ മലയാളി ആരാധകരെ ആവേശത്തിലാക്കി മോഹൻലാൽ ചിത്രം ‘ആറാട്ട്’ ഫെബ്രുവരി 18-ന് റിലീസ് ചെയ്യും. റ്റൂ കേരള എന്റർടൈൻമെന്റ് ബാനറിൽ ബിജു തയ്യിൽച്ചിറയാണ് ചിത്രം പ്രദർശനത്തിനെത്തിക്കുന്നത്. കോമഡിയും ആക്ഷൻ ത്രില്ലർ വിഭാഗത്തിൽ പെടുന്ന ചിത്രം കൂടിയാണ് ‘ആറാട്ട്’. മരക്കാറിന് ശേഷം ഇതാദ്യമായാണ് ഒരു ചിത്രത്തിന് കാനഡയിൽ ഇത്രയും പ്രീ-ബുക്കിംഗ് ലഭിക്കുന്നത്. ഒരു ഇടവേളക്ക് ശേഷം എത്തുന്ന മോഹൻലാലിന്റെ മാസ് എന്റർടെയ്നർ ചിത്രം എന്ന പ്രത്യകതയും ആറാട്ടിനുണ്ട്.

നെയ്യാറ്റിൻകര ഗോപൻ എന്ന കഥാപാത്രത്തെയാണ് മോഹൻലാൽ ചിത്രത്തിൽ അഭിനയിക്കുന്നത്. പുലിമുരുകന് ശേഷം ഉദയകൃഷ്ണയും വില്ലന് ശേഷം ബി ഉണ്ണികൃഷ്ണനും മോഹൻലാലിനൊപ്പം വീണ്ടും കൈകോർക്കുന്ന ചിത്രമാണ് ‘നെയ്യാറ്റിൻകര ഗോപന്റെ ആറാട്ട്’. ശ്രദ്ധ ശ്രീനാഥാണ് ചിത്രത്തിൽ നായിക. നെടുമുടി വേണു, സായ് കുമാർ, സിദ്ദിഖ്, വിജയരാഘവൻ, ജോണി ആന്റണി, ഇന്ദ്രൻസ്, രാഘവൻ, ഷീല, സ്വാസിക, തുടങ്ങി വലിയ ഒരു താര നിരതന്നെ ചിത്രത്തിൽ അണിനിരക്കുന്നുണ്ട്. കന്നട ആക്ഷൻ ചിത്രമായ കെ ജി എഫിലെ ‘ഗരുഡ’ എന്ന കഥാപാത്രത്തിലൂടെ ശ്രദ്ധനേടിയ രാമചന്ദ്ര രാജു മറ്റൊരു ശ്രദ്ധേയമായ കഥാപാത്രത്തെ ചിത്രത്തിൽ അവതരിപ്പിക്കുന്നുണ്ട്. ഓൺലൈൻ ഡേറ്റാ ബേസ് ആയ ഐഎംഡിബിയുടെ പട്ടികയിൽ ഒന്നാമതായിട്ടാണ് ആറാട്ട് ഇടംപിടിച്ചിരിക്കുന്നത്. ഇന്ത്യൻ സംഗീത മാന്ത്രികൻ എ.ആർ. റഹ്മാൻ അതിഥി വേഷത്തിലെത്തുന്ന ചിത്രം, അങ്ങനെ നിരവധി പ്രത്യേകതകളാണ് ആറാട്ടിനുള്ളത്.

About The Author