ബ്രാംപ്‌ടണിലും മിസ്സിസാഗയിലും ഡെലിവറി ഡ്രൈവർമാരെന്ന വ്യാജേന ഫുഡ് ഡെലിവറി തട്ടിപ്പ് വ്യാപകമാകുന്നു; മുന്നറിയിപ്പ് നൽകി പോലീസ്

https://chat.whatsapp.com/FDyHrouQqfAC7xTtsrkFWp

ഡെലിവറി ഡ്രൈവർമാരെന്ന വ്യാജേന വിപുലമായ ഫുഡ് ഡെലിവറി തട്ടിപ്പിനെക്കുറിച്ച് മിസ്സിസാഗയിലെയും ബ്രാംപ്ടണിലെയും നിവാസികൾക്ക് മുന്നറിയിപ്പ് നൽകി പീൽ പോലീസ്.

പീൽ റീജിയണൽ പോലീസ് ട്വിറ്ററിൽ പോസ്റ്റ് ചെയ്ത വീഡിയോയിൽ ബാങ്ക് അക്കൗണ്ട് ആക്‌സസ് ചെയ്യുന്നതിനായി വ്യക്തികൾ ഭക്ഷണ വിതരണ ഡ്രൈവർമാരായി വേഷമിട്ട് വരുന്നതെന്നും പോലീസ് പറയുന്നു.

ഇവർ പേയ്‌മെന്റിനുള്ള ബില്ലുകൾ സ്വീകരിക്കാൻ കഴിയില്ലെന്ന് പറയുകയും പണത്തിന് പകരം ഡെബിറ്റ് ഉപയോഗിച്ച് പണം നൽകണമെന്ന് ആവശ്യപ്പെട്ട് വ്യാജ ഡെലിവറി ഡ്രൈവർമാർ താമസക്കാരെ സമീപിക്കുന്നതായി പീൽ റീജിയണൽ പോലീസ് കോൺസ്റ്റ. ഹെതർ കാനൻ പറഞ്ഞു.

ഡെബിറ്റ് ടെർമിനൽ ഉപയോഗിച്ച് നിങ്ങളുമായി ഒരു സാധാരണ ഇടപാട് നടത്തുകയും നിങ്ങളുടെ അക്കൗണ്ടുകളിൽ നിന്ന് പിന്നീട് പണം അപഹരിക്കപ്പെടുകയും ചെയ്യും കാനൻ പറഞ്ഞു.

പിസ്സ ചെയിൻ ലോഗോ പതിച്ച വാഹനമാണ് പ്രതികൾ ഓടിച്ചിരുന്നതെന്ന് പറയപ്പെടുന്നു. അത് ഏത് കമ്പനിയാണെന്ന് സ്ഥിരീകരിക്കാൻ കഴിഞ്ഞിട്ടില്ലെന്ന് പോലീസ് പറഞ്ഞു. ഈ തട്ടിപ്പുകാർ സമീപിച്ചാൽ പണം നൽകരുതെന്ന് താമസക്കാരോട് പോലീസ് നിർദ്ദേശിച്ചു.

ഇതുവരെ ആകെ മൂന്ന് സംഭവങ്ങൾ റിപ്പോർട്ട് ചെയ്യപ്പെട്ടിട്ടുണ്ടെന്ന് പിആർപി സ്ഥിരീകരിച്ചു. ഈ തട്ടിപ്പുമായി ബന്ധപ്പെട്ട വിവരങ്ങൾ ഉണ്ടെങ്കിൽ 905-453-2121 എന്ന നമ്പറിൽ പീൽ പോലീസുമായി ബന്ധപ്പെടാൻ അഭ്യർത്ഥിച്ചു.