കുതിച്ചുയരുന്ന വീടുകളുടെ വില നിയന്ത്രിക്കാൻ കാനഡ: വിദേശ നിക്ഷേപകർ വീട് വാങ്ങുന്നത് രണ്ട് വർഷത്തേക്ക് വിലക്കി

https://chat.whatsapp.com/IohETtskZ8IHQxOy5Wdjqa

കാനഡയിൽ രണ്ട് വർഷത്തേക്ക് വിദേശ നിക്ഷേപകർ വീട് വാങ്ങുന്നത് വിലക്കുകയും, നിർമ്മാണ പ്രവർത്തനങ്ങൾ ഏകോപിപ്പിക്കുന്നതിന് വേണ്ട നടപടികൾ സ്വീകരിച്ചിട്ടുണ്ടെന്നും പ്രധാനമന്ത്രി ജസ്റ്റിൻ ട്രൂഡോ പറഞ്ഞു. ഈ വർഷത്തെ ഫെഡറൽ ബജറ്റ് പ്രഖ്യാപനത്തിൽ ഇതിനു വേണ്ട നടപടികൾ കൈകൊണ്ടിട്ടുണ്ടെന്ന് സർക്കാർ വൃത്തങ്ങൾ പറഞ്ഞു. റിയൽ എസ്റ്റേറ്റ് വിപണിക്ക് ഇത് ഗുണകരമാകുമെന്നാണ് സർക്കാർ വിലയിരുത്തൽ.

കാനഡയിൽ സ്ഥിരതാമസക്കാരായ വിദ്യാർത്ഥികൾക്കോ, വിദേശ തൊഴിലാളികൾക്കോ, വിദേശ പൗരന്മാർക്കോ നിരോധനം ബാധകമല്ല കൂടാതെ ഒരു വർഷത്തിനുള്ളിൽ വീട് വിൽക്കുന്ന ആളുകൾക്ക് ഉയർന്ന നികുതിയും സർക്കാർ പ്രഖ്യാപിച്ചു. പുതിയ ഭവന നിർമ്മാണത്തിനും പുതിയ സേവിംഗ്‌സ് അക്കൗണ്ടും ആദ്യമായി വീട് വാങ്ങുന്നവരുടെ നികുതി ക്രെഡിറ്റിലെ മാറ്റങ്ങളും ഉൾപ്പെടെ വിപണിയിൽ പ്രവേശിക്കാൻ ശ്രമിക്കുന്ന കനേഡിയൻ ജനതയെ സഹായിക്കുന്നതിനുള്ള നടപടികളും ബജറ്റിൽ ഉൾപ്പെടുത്തിയിട്ടുണ്ടെന്ന് ധനമന്ത്രി ക്രിസ്റ്റിയ ഫ്രീലാൻഡ് പറഞ്ഞു.

പണപ്പെരുപ്പത്തിനെതിരായ രാഷ്ട്രീയ തിരിച്ചടിയെക്കുറിച്ചും ഭവന ചെലവ് വർധിക്കുന്നതിനെക്കുറിച്ചും സർക്കാർ കൂടുതൽ ആശങ്കാകുലരാകുന്നു എന്നുവേണം പറയാൻ. കഴിഞ്ഞ വർഷം വില 20 ശതമാനത്തിലേറെ വർധിച്ചതിനെത്തുടർന്ന്, വാടക നിരക്കും ഉയർന്നിരുന്നു. വിപണി സാധനിലയിലേക്ക് കൊണ്ടുവരുന്നതിന് വേണ്ട ശക്തമായ നടപടികൾ സ്വീകരിക്കാൻ സർക്കാരിനുമേൽ സമ്മർദ്ദമുണ്ടായിരുന്നു. കഴിഞ്ഞ രണ്ട് വർഷത്തിനിടെ കാനഡയിലെ വീടുകളുടെ വില 50%-ത്തിലധികം ഉയർന്നു. ബാങ്ക് ഓഫ് കാനഡയുടെ നിരക്ക് വർദ്ധനയ്ക്ക് മുന്നോടിയായി ഫെബ്രുവരിയിൽ വിപണിയിൽ റെക്കോർഡ് പ്രതിമാസ വർദ്ധനവ് ഉണ്ടായിരുന്നു, ഒരു വീടിന്റെ ബെഞ്ച്മാർക്ക് വില 869,300 കനേഡിയൻ ഡോളർ ആയി ഉയർന്നു.