ആഴ്ചയിൽ മൂന്ന് ദിവസം അവധി – കനേഡിയൻ‌ ജനതയുടെ സ്വപനം സാക്ഷത്കരിക്കുമോ?

https://chat.whatsapp.com/IohETtskZ8IHQxOy5Wdjqa

കനേഡിയൻ ജനതയുടെ ഭൂരിഭാഗവും നാല് ദിവസത്തെ പ്രവൃത്തി ദിനവും മൂന്ന് ദിവസത്തെ അവധിയും ആഗ്രഹിക്കുന്നു എന്നാണ് പുതിയ സർവേയിലെ കണക്കുകൾ സൂചിപ്പിക്കുന്നത്. ഇത് കാനഡയുടെ കയറ്റുമതിയെയും, ഉൽപ്പാദനക്ഷമതയെയും ബാധിക്കില്ലേ എന്ന ചോദ്യങ്ങളും ഉയരുന്നുണ്ട്, എന്നാൽ ഇത്‌ സാധ്യമാക്കാൻ പദ്ധതിയുണ്ട് എന്നാണ് കനേഡിയൻ ജനത തന്നെ പറയുന്നത്.

1960-കൾ മുതൽ ആഴ്ചയിൽ 40 മണിക്കൂർ ജോലി എന്ന സ്റ്റാൻഡേർഡ് ആണ് കാനഡ തുടർന്ന് പോകുന്നത്. ചില വ്യവസായങ്ങൾ ഇതിനെ പിന്തുടരുന്നില്ല എന്നും കണക്കുകൾ വ്യക്തമാക്കുന്നു, ചില കമ്പനികൾ മൂന്ന് ദിവസത്തെ അവധി നൽകുന്നുമുണ്ട് എന്നാണ് വോട്ടെടുപ്പിൽ പങ്കെടുത്ത പലരും ചൂണ്ടിക്കാണിക്കുന്നത്. ഇത്‌ കാനഡയുടെ ഉൽപ്പാദനക്ഷമതയെയും, കയറ്റുമതിയെയും ബാധിക്കുന്നില്ലായെന്നാണ് ഈ കമ്പനികൾ വ്യക്തമാക്കുന്നത്. എന്നാൽ എല്ലാ മേഖലയിലും ഇത്‌ പ്രാവർത്തികമാക്കാൻ പറ്റുമോ എന്നാണ് ചില തൊഴിൽ സംഘടനകൾ ചോദിക്കുന്നത്.

മൂന്ന് ദിവസത്തെ അവധി എന്ന നയത്തെ അനുകൂലമായി പ്രതികരിച്ചവർ ലിബറലുകളുമായും എൻഡിപിയുമായും രാഷ്ട്രീയമായി യോജിച്ചുപോകുമെന്നും വോട്ടെടുപ്പിൽ പറയുകയുണ്ടായി.

About The Author