ഇന്ത്യക്കാരുടെ വിദേശ പൗരത്വം - അമേരിക്കയും കാനഡയും മുൻപന്തിയിൽ - Malayale.ca

കാനഡയിലും ഓസ്‌ട്രേലിയയിലും പൗരത്വം എടുത്ത ഇന്ത്യക്കാരുടെ എണ്ണത്തിൽ മുൻ വർഷത്തേക്കാൾ വർധനയുണ്ടായതിനെത്തുടർന്ന്, 2019-ൽ ഓർഗനൈസേഷൻ ഓഫ് ഇക്കണോമിക് കോ-ഓപ്പറേഷൻ ആൻഡ് ഡെവലപ്‌മെന്റ് ( ഒഇസിഡി ) രാജ്യങ്ങളിലെ പുതുതായി സ്വദേശികളായ പൗരന്മാരുടെ ഉത്ഭവ രാജ്യമെന്ന സ്ഥാനം ഇന്ത്യ തിരിച്ചുപിടിച്ചു. 2017ൽ മെക്സിക്കോയോട് ഇന്ത്യക്ക് ആ സ്ഥാനം നഷ്ടമായിരുന്നു.

കോവിഡ് പാൻഡെമിക് വർഷത്തിന് മുമ്പുള്ള ഒഇസിഡി പ്രകാരം 1.56 ലക്ഷത്തിലധികം ഇന്ത്യക്കാർ വിദേശ പൗരത്വം കരസ്ഥമാക്കിയതായി റിപ്പോർട്ടുകൾ പറയുന്നു. കനേഡിയൻ, ഓസ്‌ട്രേലിയൻ പൗരത്വം നേടിയ ഇന്ത്യക്കാരുടെ എണ്ണം 61 ശതമാനം ഉയർന്നു. 2019 -തിൽ കനേഡിയൻ അല്ലെങ്കിൽ ഓസ്‌ട്രേലിയൻ പൗരത്വം നേടിയവരുടെ എണ്ണത്തെക്കാൾ കൂടുതൽ ഇന്ത്യക്കാർ യുഎസ് പൗരത്വം നേടിയെന്നാണ് റിപ്പോർട്ട്. 2019-ൽ മൊത്തം 63,578 ഇന്ത്യക്കാർ യുഎസ് പൗരത്വം എടുത്തു.

31,329 ഇന്ത്യക്കാർ ആണ് 2019 – തിൽ കനേഡിയൻ പൗരത്വം നേടിയത്. 2006 ന് ശേഷമുള്ള ഏറ്റവും ഉയർന്നതാണിത്. ജസ്റ്റിൻ ട്രൂഡോ ഗവണ്മെന്റ് വന്നതിന് ശേഷം ധാരാളം വൈദഗ്ധ്യമുള്ള ഇന്ത്യക്കാർ, പ്രത്യേകിച്ച് ടെക്കികൾ പൗരത്വത്തിനായി അപേക്ഷ സമർപ്പിച്ചിട്ടുണ്ട്. 2015-ൽ മൈഗ്രേഷൻ നിയമങ്ങളിൽ ട്രൂഡോ ഗവണ്മെന്റ് ഇളവ് വരുത്തിയിരുന്നു.

2019 -ൽ ഓസ്‌ട്രേലിയ 28,470 ഇന്ത്യക്കാർക്ക് പൗരത്വം നൽകി. ഇന്ത്യക്കാർക്കിടയിൽ യുകെ നാലാം സ്ഥാനത്താണ്, എന്നാൽ 14,680 പേർ 2019 -ൽ ബ്രിട്ടീഷ് പൗരത്വം എടുത്തു. ബ്രിട്ടനിലെ ഇന്ത്യൻ വംശജരായ പുതിയ പൗരന്മാരുടെ എണ്ണം 2008 ന് ശേഷമുള്ള ഏറ്റവും താഴ്ന്ന നിരക്കാണിത്.

2019ൽ ഇന്ത്യൻ പാസ്‌പോർട്ടുകൾ സറണ്ടർ ചെയ്ത 1.56 ലക്ഷം പേരിൽ 40 ശതമാനം പേർ യുഎസ് പൗരന്മാരാണെന്നും 20 ശതമാനം പേർ കാനഡയും 18 ശതമാനം ഓസ്‌ട്രേലിയയും 10 ശതമാനം പേർ യുകെയും തിരഞ്ഞെടുത്തതായും ഒഇസിഡി ഡാറ്റ വ്യക്തമാക്കുന്നു. ന്യൂസിലൻഡ്, ഇറ്റലി, ജർമ്മനി എന്നിവയും ഇന്ത്യക്കാർ പൗരത്വം സ്വീകരിച്ച രാജ്യങ്ങളിൽ മുൻപന്തിയിലാണ്. 2019-ൽ ഏകദേശം 4,800 ഇന്ത്യക്കാർ ന്യൂസിലൻഡിൽ പൗരത്വം സ്വീകരിച്ചു. ആ വർഷം ഏകദേശം 4,700 പേർ ഇറ്റാലിയൻ പൗരത്വം എടുത്തു, എന്നാൽ 2016 മുതൽ ഇറ്റാലിയൻ പൗരത്വം ലഭിക്കുന്നവരുടെ എണ്ണം പകുതിയായി കുറഞ്ഞു.