ജി20-യിൽ പങ്കെടുക്കാൻ ട്രൂഡോ റോമിൽ; പുതിയ വാക്‌സിൻ പ്രഖ്യാപനം ഉണ്ടാകുമോ?? ഉറ്റുനോക്കി ലോകരാജ്യങ്ങൾ

റോമിൽ നടക്കുന്ന ജി 20 യോഗത്തിൽ പ്രധാനമന്ത്രി ജസ്റ്റിൻ ട്രൂഡോ വികസ്വര രാജ്യങ്ങൾക്കായി വാക്‌സിനുകൾ സംഭാവന ചെയ്യുമെന്ന പ്രഖ്യാപനം ഉണ്ടാകുമെന്ന് ചില അന്താരാഷ്ട്ര മാധ്യമങ്ങൾ റിപ്പോർട്ട് ചെയുന്നുണ്ട്.

കോവിഡ് -19 നും, കാലാവസ്ഥാ വ്യതിയാനം പ്രധാന ചർച്ചയാകുമെങ്കിലും, സാമ്പത്തിക വീണ്ടെടുക്കലും ആരോഗ്യവും അജണ്ടയിൽ ഒന്നാമതാണ്. ഓക്സ്ഫോർഡ്-ആസ്ട്രസിനെക്ക, ജോൺസൻ & ജോൺസൻ , നോവാക്സ്‌ തുടങ്ങി 40 ദശലക്ഷം അധിക വാക്‌സിൻ ഡോസുകൾ സംഭാവന ചെയ്യുമെന്ന് കാനഡ ഇതിനകം വാഗ്ദാനം ചെയ്തിട്ടുണ്ട്.

സമ്പന്ന രാജ്യങ്ങൾ കൂടുതൽ സംഭാവന നൽകാൻ പ്രേരിപ്പിച്ചുകൊണ്ട് ട്രൂഡോ G20 യിൽ മുൻപിലുണ്ടാകുമെന്ന പ്രതീക്ഷയിലാണ് പല വികസ്വര രാജ്യങ്ങളും. എന്നാൽ കാനഡ വാഗ്ദാനം ചെയ്ത 3.4 ദശലക്ഷം ഡോസുകൾ വിതരണം ചെയ്തിട്ടുണ്ട്, അവയെല്ലാം ആസ്ട്രസിനെക്ക വാക്‌സിനുകളായിരുന്നു. ആഗോളതലത്തിൽ, സമ്പന്ന രാജ്യങ്ങളിൽ നിന്ന് 1.3 ബില്യൺ ഡോസുകൾ കോവാക്സ് വാഗ്‌ദാനം ചെയ്‌തിരുന്നുവെങ്കിലും 150 ദശലക്ഷം മാത്രമേ വിതരണം ചെയ്തിട്ടുള്ളൂ.

ലോകാരോഗ്യ സംഘടനയുടെ ഡയറക്ടർ ജനറൽ ഡോ. ടെഡ്രോസ് ഗെബ്രിയേസസ് വെള്ളിയാഴ്ച G20 നേതാക്കളോട് 550 ദശലക്ഷം ഡോസുകൾ കൂടി സംഭാവന ചെയ്യാൻ ആവശ്യപ്പെട്ടിരുന്നു, അതുവഴി ലോക ജനസംഖ്യയുടെ 40 ശതമാനം പേർക്കും വർഷാവസാനത്തോടെ വാക്സിനേഷൻ നൽകാനാകും എന്ന പ്രതീക്ഷയും അദ്ദേഹം പങ്കുവെച്ചിരുന്നു.

ലോകത്തിന്റെ സാമ്പത്തിക വീണ്ടെടുക്കൽ പ്രതിരോധ കുത്തിവയ്പ്പുകൾ വേഗത്തിലാക്കുന്നതിനെ ആശ്രയിച്ചിരിക്കുന്നുവെന്ന് അന്താരാഷ്ട്ര നാണയ നിധിയുടെ ഡയറക്ടർ പറഞ്ഞിരുന്നു. ശരാശരി G20 രാജ്യങ്ങൾ അവരുടെ ജനസംഖ്യയുടെ 55 ശതമാനത്തോളം പൂർണ്ണമായും വാക്സിനേഷൻ എടുത്തിട്ടുണ്ട്. കാനഡ അതിന്റെ മുഴുവൻ ജനസംഖ്യയുടെ 74 ശതമാനത്തിനും പൂർണ്ണമായും വാക്സിനേഷൻ നൽകിയിട്ടുണ്ട്. തിങ്കളാഴ്ച സ്‌കോട്ട്‌ലൻഡിൽ ആരംഭിക്കുന്ന COP26 കാലാവസ്ഥാ ചർച്ചകൾക്ക് മുന്നോടിയായി കാലാവസ്ഥാ വ്യതിയാനത്തിനെതിരെ പോരാടുന്നതിന് ശക്തമായ ഭാഷയോട് G20 നേതാക്കൾ പ്രതികരിക്കുമെന്ന് പറയുന്നുണ്ട്.

കൽക്കരിയിൽ പ്രവർത്തിക്കുന്ന വൈദ്യുത നിലയങ്ങൾ വേഗത്തിൽ വെട്ടിക്കുറയ്ക്കുന്നതിനുള്ള ചർച്ചകളും കാലാവസ്ഥാ വ്യതിയാനവുമായി പൊരുത്തപ്പെടാനും ലഘൂകരിക്കാനും വികസ്വര രാജ്യങ്ങളെ സഹായിക്കുന്നതിന് സാമ്പത്തിക സഹായം വർദ്ധിപ്പിക്കാനും ജി -20 അജണ്ടയിൽ ഉൾപ്പെടുന്നു.